جوزجان یشاوچیلری، ایچیملیک سوو ییتیشمسلیک و طبی خذمت‌لردن فایده‌لنه آلمسلیک‌لریدن شکایت قیله‌دیلر. جوزجان ولایتی خانقاه تومنی یشاوچیسی و اوقیتووچی زرغونه نینگ ایتیشیچه، سونگی ۲۰ ییل ده اوشبو تومن نینگ ترقیاتی اوچون هیچ دقت قیلینمه‌گن و ایچیملیک سوو تنقیص‌لیگی، طبی خذمت‌لردن فایده‌لنه آلمسلیک، قیشلاق‌لر نینگ قتناو یوللری بوزوق‌لیگی و ایکینچیلیک سوو یوق‌لیگی، خانقاه تومنی یشاوچیلرینی تورلی خیل قیینچیلیک بیلن دوچ قیلگن.
اونگه کوره، خانقاه تومنیده ۶۰ مینگ دن آرتیق کیشی تیریکچیلیک قیلیب کیلماقده و مذکور تومنده انسان پرورلیک یاردم‌لر محتاج کیشی‌لر گه عادلانه روشده توزیع بولمه‌گن.
او نینگ کوپه‌یتیریشیچه: «سوو ییتیشمسلیک، ساغلیک مرکز یوق‌لیگی و تومنی‌میز ده امکانیت یوق‌لیگیدن عذاب ده‌میز. یاش‌لریمیز بدرغه بولگن، ایش‌سیزلر و کمبغل‌لر سانی آشگن. سابق حکومت و حاضرگی حکومت تومن ترقیاتی اوچون هیچ دقت قیلیشمه‌گن. بیز گه امکانیت و قولی‌لیک یره‌تیلیشینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
مردیان تومنی یشاوچیسی و ۱۸ یاشر رحیم‌الله نینگ ایتیشیچه، یول بوزوق‌لیگی، ایچیملیک سوو یوق‌لیگی و طبی خذمت‌لردن فایده‌لنه آلمسلیک، اوشبو تومن یشاوچیلرینی جدی قیینچیلیک بیلن روپه‌ره قیلگن.
اونگه کوره، مذکور تومن اهالیسی اینیقسه یاش‌لر گه ایش زمینه‌سی یره‌تیلیشی اوچون ترقیاتی پروژه‌لر اختصاص بیریلیب و تطبیق ایتیلیشی کیره‌ک.
رحیم‌الله نینگ کوپه‌یتیریشیچه: «مردیان تومنیده ایچیملیک سوو یوق، قوروق‌چیلیک دیر ایش‌سیزلر سانی کوپ، سرکی‌میز یوق یاش‌لر ایش‌سیز. انسان پرور یاردم‌لر محتاج‌لر گه عادلانه روشده توزیع بولمه‌یدی.»
جوزجان محلی مسئوللری نینگ ایتیشلریچه، اسلام امیرلیگی حاکمیتیدن کیین مذکور ولایت بویلب کوپ سانده قیینچیلیک‌لر حل بولیب و قالگن قیینچیلیک‌لر هم استه-سیکین حل بوله‌‌دی.
جوزجان معلومات و مدنیت باشلیغی سیف‌الدین معتصم، سونگی ۲۰ ییل ده جوزجان ولایتی مرکزی و تومن‌لری ترقیاتی اوچون دقت قیلینمه‌گن و اسلام امیرلیگی استه-سیکین بو قیینچیلیک‌لرنی حل قیله‌دی.
اونگه کوره: «جوزجان اهالیسی گه، اسلام امیرلیگی مسئوللری بوتوغریده تلاش قیله‌یاتگنیدن ایشانچ بیره‌من. ایش‌لر بیر آز آلغه آلیب باریلگن و بوتوغریده تلاش قیلینماقده.»
بیزلرنینگ «ایکس» ترماغی ده هم تعقیب قیلینگ!
جوزجان یشاوچیلری، شخصی پوللریدن بیر مکتب بناسینی توزه‌تیب و باشقه مکتب بناسی تمل تاشینی قویگن بیرحالده، ایچیملیک سوو ییتیشمسلیک قیینچیلیگیدن شکایت قیلماقده‌لر.
جوزجان معارف باشلیغی محمدطاهر جواد نینگ ایتیشیچه، معارف نی قوللب_قوتلش و ۶۰۰ اوقووچی تینچ فضاده درس اوقیش اوچون مذکور ایکی مکتب نینگ ییری، انسان پرور کیشی‌لر تامانیدن ساوغه قیلینگن.
جوزجان معارف باشلیغی گه کوره، مذکور ایکی مکتب خانقاه و مردیان تومن‌لری نینگ اوزاق منطقه‌لریده ییرلشگن و اوقووچیلر اوتگن ۲۰ ییل ده درخت‌لر سایه‌سی، خیمهلر و اجاره اوی‌لرده دستلبکی امکانیت بیلن درس اوقیب کیلگنلر.
جوزجان معارف ریاستی مسئوللری نینگ معلوماتی اساسیده، خانقاه تومنی مکتبی بیر میلیون ۲۰۰ مینگ افغانی خره‌جت کوتارگن و باشقه بیر مکتب هم، ۱۰ مینگ دالر عوضی گه توزه‌تیلگن.
