ینگی‌لیکده خلق ارا مهاجرلر تشکیلاتی یا-ده (IOM) افغانستان ده ایچکی آواره‌لر وضعیتی نینگ قندهیلیگی خصوصیده خواطر بیلدیرگن. اوشبو نهاد توییتر صحیفه‌سیده یازیشیچه، افغانستان ده هوا ساووق بولگن بیرحالده، آواره بولگن عایله‌لر یمان بیر وضعیتده حیات کیچیرماقده‌لر.
خلق‌ارا مهاجر تشکیلاتی نینگ اورغولشیچه، اوشبو نهاد افغانستانده ایچکی آواره‌لرنینگ وضعیتی نی یخشی‌لنتیریش اوچون، انسان دوستلیک یاردم‌لری گه دوام بیره‌دی.
قوروقچیلیک باعث اصلی ییرلریدن آواره بولگن عایله‌لردن قطاری، قیش موسومی ده قیین وضعیت‌لری توغریسیده نطق سوزله‌گن.
بیزلرنینگ فیسبوک صحیفه‌میزگه باش اورینگ!
ایچکی آواره‌لرنینگ ایتیش‌لریچه، قیش موسمی ییتیب کیلگن بیرحالده، بیراق اولر حاضرگچه انسان دوستلیک یاردم قولگه کیلتیرمه‌گن.
بو توغریده مهاجرلر و باش پناه‌ایزلاوچیلر وزیرلیگی مسئوللری نینگ فکری نی آلیش ایسته‌دیک، بیراق مذکور نهاد مسئوللری بیزلرنینگ قونغوراغی‌میزگه جواب بیرمه‌دی.
آواره بولگنلر وضعیتی نینگ قندهیلیگی خصوصیده خواطرلر بیان ایتیلگن بیرحالده، خلق‌ارا مهاجرلر تشکیلاتی نینگ سونگی گزارشی اساسیده ۲۰۲۱- میلادی ییلده اوروش و قوروقچیلیک باعث کمیده ۶۷۰ مینگ کیشی اوز منطقه‌لریدن آواره بولگن.
