فنلند حربی –دینگیز کوچلری جاری ییلنینگ ۱۸-۱۹ می کونلری اوشبو مملکت قولتیغیده حربی مشغولات اوتکزهدی.
ییتکرمهلرنینگ معلوماتیگه کوره، مانورلر جنوبی فنلندنینگ قیرغاغی حدودلری و مجمعالجزایر دینگیزیده اوتکزیلیشی ریجهلشتیریلگن.
معلوماتلر اساسیده، اوشبو مشغولاتده جمعی اوچ مینگه یقین حربی خذمتچی جلب ایتیلهدی. اساسی وظیفه – حقیقی اوروش شرایطیده حرکت قیلیشگه تیارگرلیکنی تیکشیریشدن عبارت. مشق تدبیری دایرهسیده دینگیز و هوا اوچووچیسیز (دران)لردن فعال فایدهلنیش ریجهلشتیریلگن.
فنلند حربیلریگه تشقی کوچلر هم قوشیلهدی، جرمنی حربی – دینگیز کوچلرینینگ ۱۰۰ گه یقین کیشی و امریکا دینگیز پیادهلرینینگ تخمیناً ۳۰ نفر حربی خذمتچیسی.
ایسلهتیب اوتهمیز، روسیهنینگ اوکراین گه باستیریب کیریشی سببلی میلادی ۲۰۲۳ ییلنینگ بهاریده ناتو گه اعضا بولگن فنلند، روسیه چیگرهلری یقینیده مانور مشغولاتلریده منتظم روشده اشتراک ایتیب کیلماقده.
