سرپرست حکومت باش وزیری نینگ سیاسی اورین باسری مولوی عبدالکبیر گه کوره، اسلام امیرلیگی منطقه ده دایمی ثبات بر قرار ایتیلیش طرفداری دیر و افغانستان توپراغیدن باشقهلر گه قرشی فایدهلنیش اوچون هیچ کیمگه رخصت بیرمهیدی.
ارگ، ایکس اجتماعی ترماغی ده یازیشیچه، مملکت باش وزیری نینگ سیاسی اورین باسری، ۱۷-جدی، یکشنبه کونی، پاکستان عالملری جمعیت حزبی نینگ رهبری مولانا فضلالرحمان بیلن ملاقاتیده، او نینگ کابل گه قیلگن سفری افغانستان و پاکستان مناسبتلری مستحکملنیشی و ایکی تامان آرهسیدهگی کیسکینلر گه چیک قوییلیشی اوچون اونیملی بولیش گه امید بیلدیرگن.
بیزلرنینگ فیسبوک صحیفهمیزگه باش اورینگ!
بیانیه اساسیده، مولانا فضلالرحمان، افغانستان و پاکستان آرهلریدهگی قیینچیلیکنی مذاکره آرقهلی حل قیلیشنی ایتگن.
اوتگن کون سرپرست حکومت سوزلاوچیسی ذبیحالله مجاهد سلاموطندار بیلن اوتکزگن صحبتیده، پاکستان عالملری جمعیت حزبی نینگ باشلیغی مولانا فضلالرحمان کابل گه سفر قیلیب و اوشبو سفری دایرهسیده اسلام امیرلیگی رسمیلری بیلن تورلی موضوعلر حقیده بحث ایتیشینی ایتگن ایدی.
ذبیحالله مجاهد نینگ سلاموطندار گه ایتیشیچه: «پاکستان عالملری جمعیت حزبی نینگ باشلیغی مولانا فضلالرحمان، بیر هیئت ییتکچیلیگی ده کابل گه کیلیشی ممکن، سفری دایرهسیده اسلام امیرلیگی رسمیلری بیلن ایریم موضوعلر نی بحث آلیشی کوتیلهدی، انشاءالله اولر نینگ سفری اونیملی بولیشی ممکن.»
بیزلرنینگ «ایکس» ترماغی ده هم تعقیب قیلینگ!
مولانا فضلالرحمان کابل گه سفر قیلمسدن آلدین، سفری دایرهسیده اسلام امیرلیگی رهبری بیلن اوچرهشووینی ایتگن ایدی، لیکن اسلام امیرلیگی سوزلاوچیسی بو سوزلرنی رد یا که تصدیقلمهی و سلاموطندار نینگ بو توغریدهگی سوالی گه جواب قیترمهدی.