بدخشان ولایتی خواهان تومنی اهالیسی، ییتی میلیون افغانیدن آرتیق «سوو برق توغانی» قوریلیشینی باشلهگنلر.
اوشبو برق توغانی، بدخشان خواهان تومنی «جیروبالا» قیشلاغیده قوریلهدی و اونینگ فایدهلنیشگه تاپشیریلیشی بیلن اونلب عایله دایمی برق بیلن تأمینلنهدی.
بدخشان برشنا شرکتی مسئوللری، مذکور سوو برق توغانی ایشی توگهلیشی بیلن، جیروبالا قیشلاغیده اونلب عایله برق بیلن تأمینلنیشینی ایتهدیلر.
بدخشاننینگ اوزاق حدود یشاوچیلری هنوزگچه دایمی برقدن فایدهلنه آلمهیدی.
برق ییتیشمسلیگی و اوندن دایمی فایدهلنه آلمسلیک افغانستان اهالیسینینگ اساسی قیینچیلیکلریدن حسابلنهدی. برشنا شرکتی معلوماتیگه کوره، مملکتنینگ فقط ۳۸ فایز اهالیسی فرقدن فایدهلنماقده.
