کابل ده اقتصادی قیینچلیک باعث ایشیگی یاپیلگن خصوصی مکتب‌لردن بیرقطاری نینگ مسئوللری گه کوره، اوقووچیلر سانی آزلیگی و اقتصادی قیینچیلیک باعث، مکتب‌لرینی یاپیش گه مجبور بولیشگن.
کابل شهری نینگ دشت‌برچی منطقه‌سیده جایلشگن ایکی خصوصی مکتب مسئولی احمد‌ولی، سونگی اوزگریش‌لردن کیین، اوقووچیلر سانی کمه‌یشی سبب اوشبو مکتب‌لر ایشیک‌لرینی یاپیش گه مجبور بولگنینی ایته‌دی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «مکتب نینگ اوچ نماینده‌لیگی بار ایدی و ایکی مکتبی‌میز اقتصادی قیینچیلیک سبب یاپیلدی؛ توزوم اوزگرگنیدن کیین، عایله‌‌لر آره‌سیده بیرآز قیین‌چیلیک‌لر و ناامید‌لیکلر تاپیلگن. قیزلر تعلیم دن محروم بولدی، اولر اوقووچیلریمیز نینگ کوپینچه بولیمینی تشکیل بیرر ایدیلر. حاضر ایسه قیزلر تعلیم دن محروم بولگن، انه شوو سبب مکتب‌لریمیز نینگ ایشیگی نی یاپدیک؛ بو ییرده ۱۲۰۰ اوقووچی و ۹۰ ایشلاوچی بار ایدی.»
کابل شهری نینگ کارته‌ی‌نو منطقه‌سیده خصوصی مکتب‌لردن بیری نینگ مسئولی رحمت هاشمی گه کوره، اوقووچیلر سانی کمه‌یشی سبب مکتب ایشیگینی یاپیش گه مجبور بولگن.
جناب هاشمی نینگ کوپه‌یتیریشیچه: «۴۴ اوقووچی‌میز بار ایدی و حاضرگی وضعیت ده اوقیتووچیلر معاشینی هم تولدیره آلمه‌دیک؛ اهالی نینگ اقتصادی هم یخشی ایمس. بیر مینگ یا-ده ۸۰۰ افغانی اوقووچی دن فیس آلسک قیینچیلیک یوق؛ بیراق اوندن آز‌راق ۵۰۰ افغانی آلسک فایده‌سی یوق. نیمه قیله‌یلیک اهالی گه می فشار کیلتیره‌ی‌لیک.»
باشقه بیر تاماندن، کابل شهری ده فعال خصوصی مکتب‌لردن قطاری نینگ مسئوللری گه کوره، اوقووچیلر سانی کمه‌یشی سبب، اقتصادی قیینچیلیک بیلن روپه‌ره بولگنلر.
کابل شهری نینگ لیسه‌‌ی مریم منطقه‌سیده جایلشگن خصوصی مکتب‌لردن باشقه بیری نینگ مسئولی سید‌هاشم نینگ سلام‌وطندار گه ایتیشیچه: «خصوصی مکتب‌لر اهالی تامانیدن یا-ده اقتصادی حمایت بولیشی لازم؛ قیغو بیلن اهالی نینگ اقتصادی یخشی ایمس و اولر فرزند‌لری نینگ فیسی نی بیریش گه توان‌لری ییتیشمه‌یدی. اوقووچیلر سانی کمه‌یگن و بو وضعیت دوام تاپگن صورت ده، خصوصی مکتب‌لر ایشیگی یاپیلیشی ممکن.»
سونگی کون‌لرده کیچیک سینگیلیسی و ایناغه‌سی بیلن خصوصی مکتب دن دولتی مکتب گه بارگن آلتینچی صنف اوقووچیسی سمیرا نینگ ایتیشیچه: «خصوصی مکتب نی ترک قیلگنیم دن مقصد، صنفیم یوقاری کیتیشی بیلن فیس هم یوقاری کیتر ایدی. اقتصادی‌میز ضعیف و آتم ایشچی ایدی و مین، سینگیلیم و ایناغم نینگ فیسی نی بیره آلمه‌یدی.»
بیزلرنینگ توییترده هم تعقیب قیلینگ!
شونده‌ی بیرحالده، افغانستان برچه خصوصی مکتب‌لر بیرلشمه رئیسی اسلام‌الدین یارمل نینگ ایتیشیچه، تورلی ولایت‌لرده ۲۵۰دن آرتیق خصوصی مکتب نینگ ایشیگی یاپیلگن و شونینگدیک، بیر قطاری ایسه یاپیلیش عرفه‌سیگه قرار تاپگن.
جناب یارمل نینگ کوپه‌یتیریشیچه: «خصوصی مکتب‌لر ریاستی نینگ معلوماتی گه بناً، افغانستان ده قریب ۲۵۰ و ۳۰۰ مکتب یاپیلگن و بو رقم کوپه‌یشی ممکن، چونکه اقتصادی قیین‌چیلیک‌لر بار و مکتب‌لر جوازی نی اوزه‌یتیره آلمه‌یدی شونی اوچون یاپیلشی ممکن. خصوصی مکتب‌لر فیسی یوقاری ایدی و حاضر ایسه ۵۰ دن آرتیغی زیان کورگن.»
سونگی کون‌لرده خصوصی بیلیم یورت‌لر بیرلشمه‌سی، اقتصادی قیین‌چیلیک‌لر و طلبه‌لر کم‌لیگی سبب بیلیم یورتلردن کوپ قطاری نینگ یاپیلیشیدن خبر بیرگن بیرحالده، خصوصی مکتب‌لر اقتصادی قیینچیلیک دن نالیماقده‌لر.
