پکتیکاده‌گی آواره‌لردن بیرقطاری نینگ ایتیشلریچه، اوشبو ییل قیش موسومی ده کوپ قیینچیلیکلر بیلن خیمه‌لر آستیده تیریکچیلیک قیلماقده‌لر. اولر نینگ ایتیشلریچه، گیان و برمل تومن‌لری اهالیسی نینگ یشش اوی‌لری، یاز موسومی ده زلزله باعث بوزیلگن.
اولر گه کوره، باله‌لری و کیکسه کیشی‌لر هوا کوپ ساووق‌لیگی باعث تورلی خیل کسل‌لیک‌لرگه چلینیب و اولردن قطاری هلاک بولگن.
آواره‌لردن میراخان نینگ ایتیشیچه: «بوییرده تورلی خیل کسل‌لیک ترقه‌لگن، هر کونی تورت یا بیش چقه‌لاق و کیکسه کیشی ساووق باعث هلاک بوله‌دی. بوتوغریده دقت قیلینمه‌گن تقدیرده، اولر کوپ قیینچیلیک بیلن روپه‌ره بولیش‌لری ممکن. بو ییرده ساغلیک مرکز و شفاکار یوق و اهالی کوپ قیینچیلیک بیلن دوچ دیر. نیچه کون آلدین عایله اعضالریمیزدن بیری و باشقه بیر قطار باله‌لر هوا ساووق‌لیگی و باشقه قیینچیلیک طفیلی هلاک بولدیلر.»
اوشبو آواره‌لر نینگ کوپه‌یتیریشیچه، باش پنه‌لری یوق‌لیگیگه علاوه، ییگولیک و یاقیلغی ماده‌لری یوق‌لیگی اولر نینگ قیینچیلیکلرینی کوچه‌یتیرگن.
بیزلرنینگ فیسبوک صحیفه‌میزگه باش اورینگ!
ارگون تومنی آواره‌لریدن حکیم و محمدمیر نینگ ایتیشلریچه، یشش جای‌لریدن ساغلیک مرکزلر اوزاق‌لیگی و یوللر بوزوق‌لیگیگه قوشیمچه، اوشبو مرکزلر طبی امکانیت‌سیزلیک بیلن دوچ دیر.
ارگون تومنی آواره‌لریدن حکیم گه کوره: «بوییرده باله‌لر سنچیق و باشقه کسل‌لیک باعث عذاب چیکماقده‌لر، ساغلیک بولیمیده دقت قیلینیشینی ایسته‌یمیز، آواره‌لر نینگ باش پنه‌سی یوق»
ارگون تومنی آواره‌لریدن باشقه بیری محمدمیر نینگ کوپه‌یتیریشیچه: «بوییرده ساغلیک بولیمی ایجاد ایتیلیشی جدی نیاز دیر. چقه‌لاق‌لر و عایله اعضالریمیز سنچیق و باشقه کسل‌لیککه چلینگن. چونکه خیمه‌لر آستیده تیریکچیلیک قیلماقده‌میز، یامغیر و کوچلی قار یاغیشی باعث یوللر توسیلگن، بیز کسلخانه گه باره آلمه‌یمیز، قیینچیلیگیمیز جوده هم کوپ دیر.»
پکتیکا محلی مسئوللری نینگ ایتیشلریچه، اوتگن ۷ آی ده ۳۰۰۰ عایله، طبیعی حادثه‌لر طفیلی آواره بولگن و قیش موسومی ده ییگولیک، یاقیلغی ماده و طبی امکانیت گه نیازمند دیر.
بیزلرنینگ توییترده هم تعقیب قیلینگ!
پکتیکا حاکمی سوزلاوچیسی ثناءالله معصوم، آواره‌لردن قطاری هوا ساووق‌لیگی باعث هلاک بولگن ادعالرنی رد قیله‌دی. اونگه کوره: «سونگی زلزله و سوو تاشقین‌لری طفیلی تخمیناً ۳ مینگ آواره بار و ۴۰۰ عایله قوشنی اولکه‌لردن قیتگنلر. حاضرگچه اوشبو رقم ثبت ایتیلگن، بوییرده یاردم بیرووچی نهادلر گه مذکور رقم‌نی یوبارگن‌میز. اولر یاردم بیریش‌لریدن ایشانچ بیلدیرگنلر. طبیعی که قیش موسومی ده اولر قیینچیلیککه قالگنلر.»
مسئوللر گه کوره، پکتیکا مرکزی شرن شهری، ارگون، یوسف‌خیل و متاخان ده‌گی آواره‌لر نینگ کوپی، باش پنه و باشقه یاردم‌لر گه جدی محتاج دیر.
