اوشبو ییل یاز موسومیده پل‌علم شهری و خوشی تومنیده سوو تاشقینی عاقبتیده یوزلب عایله، لوگر مرکزی گه آواره بولیب کیلگن ایدیلر، حاضر خیمه‌لر آستیده حیات کیچیریشماقده ایتیشلریچه، هوا ساووق بولیشی بیلن اولر نینگ قیینچیلیکلری ایکی برابر کوپه‌یگن؛ بیراق سونگی اوچ آی ده اولر گه اساسی یاردم کورسه تیلمه‌گن.
مذکور آواره‌لر گه کوره، باله‌لر و کیکسه کیشی‌لر خیمه‌لر آستیده تورلی خیل قیینچیلیکلر بیلن حیات کیچیرماقده، اولر گه یاردم بیریلمه‌گن تقدیرده، کیله‌سی قیش موسومیده انسانی فاجعه یوز بیریشی ممکن.
مذکور آواره‌لردن سردارمحمد نینگ سلام‌وطندار گه ایتیشیچه: «بیر خیمه ده چاره بولمه‌یدی؛ بعضی خیمه‌لر آستیده ۱۲ کیشی تیریکچیلیک قیلماقده. بیز گه آز یاردم کورسه‌تیلگن، کوپ سانده خیمه‌لر نینگ اوستی آچیق دیر؛ اهالی نم اوستیگه حیات کیچیرماقده‌لر، دارو و ییگولیک نرسه‌میز یوق. بیز کوپ قیینچیلیکلر بیلن روپه‌ره میز.»
بیزلرنینگ فیسبوک صحیفه‌میزگه باش اورینگ!
آواره‌لردن کریم‌الله گه کوره: «برچه نرسه‌میز سوو آستیده قالدی، باله‌لریمیز کسل دیر. ساووق هوا ده خیمه آستیده تیریکچلیک قیلماقده میز. خیمه‌لر آستی نم دیر؛ تیریکچیلیک اوچون حتا بیرینچی امکانیت، سوو و ییگولیک ماده‌لریمیز یوق.»
آواره‌لر، اسلام امیرلیگی و خلقارا تشکیلات‌لردن، انسان پرورلیک یاردم‌لری گه علاوه، اولر گه باش پنه یره‌تیب بیریش‌لرینی طلب قیله‌دیلر.
لوگر حاکمی سوزلاوچیسی عمر منصور نینگ سلام‌وطندار گه ایتیشیچه، خوشی تومنیده سوو تاشقینی باعث بدرغه بولگن‌لر گه وقتیده انسان پرورلیک یاردم کورسه‌تیلگن و بیرقطار عایله‌لر گه یاردم‌لر همان توزیع قیلینماقده.
اونگه کوره، محلی اداره سوو تاشقینی باعث آواره عایله‌لر نینگ قیینچیلیکلری حلی مقصدیده سعی و حرکت قیلماقده‌لر.
بیزلرنینگ توییترده هم تعقیب قیلینگ!
لوگر حاکمی سوزلاوچیسی نینگ کوپه‌یتیریشیچه: «خوشی تومنیده سوو تاشقینیدن کیین، نه فقط دولت بلکه ایچکی و خلقارا نهادلر آواره عایله‌لر گه یاردم کورستگنلر. خوشی تومنی آواره‌لری نینگ اساسی قیینچیلیگی باش پنه دیر. محلی اداره اوشبو قیینچلیک حلی اوچون سعی و حرکت قیلماقده.»
ایتیش کیره‌ک که، لوگر قوشیمچه باشقه ولایت‌لرده‌گی آواره‌لر تورلی خیل قیینچلیکلر بیلن روپه‌ره ایکن، قیش موسومی ییتیب کیلیشی بیلن اولر نینگ قیینچلیکلری نیچه برابر کوپه‌یگن.
