خصوصی بیلیم یورت‌لر اتفاقی گه کوره، طلبه قیزلر نینگ تعلیم دن محروم ایتیلیشی و ایرکک طلبه‌لر نینگ، اوقیشنی دوام ایتتیریش اوچون علاقه‌سیزلیک‌لری، خصوصی بیلیم یورت‌لر قولش عرفه‌سیگه قرار تاپیش گه سبب بولگن.
خصوصی بیلیم یورت‌لر اتفاقی نینگ مطبوعاتی باشلیغی محمدکریم ناصری گه کوره: «اوشبو ییل هر بیر خصوصی بیلیم یورت ده ۳۰، ۴۰ و ۸۰ طلبه جذب بولگن و مملکت ده اوقیشنی دوام ایتتیریش اوچون علاقه کمه‌یگن.»
بیزلرنینگ فیسبوک صحیفه‌میزگه باش اورینگ!
عین‌حالده، خصوصی بیلیم یورت‌لر مسئوللریدن قطاری نینگ ایتیشلریچه، طلبه قیزلر نینگ تعلیم دن محروم ایتیلیشی باعث، خصوصی بیلیم یورت‌لر دن قطاری فعالیت‌لرینی توخته‌تیش گه مجبور بولماقده‌لر.
استقلال خصوصی بیلیم یورت سرپرستی زاهد امرخیل نینگ ایتیشیچه: « طلبه قیزلر تعلیم دن محروم ایتیلیشیدن کیین ایرکک طلبه‌لر نینگ، اوقیشنی دوام ایتتیریش اوچون علاقه‌لری کمه‌یگن و خصوصی بیلیم یورت‌لردن قطاری، فعالیت‌لرینی توخته‌تیش گه مجبور بولیشگن.»
باشقه تاماندن، مملکت عالی اوقوو وزیرلیگی مسئوللری نینگ ایتیشلریچه، افغانستان بویلب خصوصی بیلیم یورت‌لر نینگ فعالیت‌لرینی قوللب_قوتله‌یدی.
عالی اوقوو وزیرلیگی سوزلاوچیسی حافظ ضیاءالله هاشمی گه کوره، اسلام امیرلیگی رهبری نینگ بویروغی اساسیده، طلبه قیزلر گه کیینگی امرگچه بیلیم یورت گه باریش رخصتی بیریلمه‌یدی.
بیزلرنینگ توییترده هم تعقیب قیلینگ!
او نینگ سلام‌وطندار گه ایتیشیچه: «عالی اوقوو وزیرلیگی، خصوصی بیلیم یورت‌لر نینگ قیینچیلیگی حلی اوچون بیر کمیته ایجاد ایتگن، بو کمیته آرقه‌لی خصوصی بیلیم یورت‌لر نینگ قیینچیلیکلری حل ایتیله‌دی؛ بیراق اسلام امیرلیگی رهبری نینگ بویروغی اساسیده، قیزلر گه کیینگی امرگچه بیلیم یورت گه باریش رخصتی بیریلمه‌یدی.»
شو بیلن بیرگه، خصوصی بیلیم یورت‌لر اتفاقی مسئوللری نینگ معلوماتی گه بناً، اولکه بویلب ۱۴۰ خصوصی بیلیم یورت ده ۲۰۰ مینگ قیز و ایرکک طلبه اوقیش بیلن مصروف ایدیلر، لیکن حاضر بو رقم سیزیلرلی درجه ده کمه‌یگن.
