۲۴ جنوری_ ۴ دلو، خلق‌ارا تعلیم کونی گه ماس دیر. افغانستان ده اسلام امیرلیگی تامانیدن قیز اوقووچیلر نینگ تعلیمی توخته‌تیلیشی بیلن، بیرلشگن ملت‌لر تشکیلاتی نینگ علمی و فرهنگی تعلیمی تشکیلاتی (یونسکو)، اوشبو ییل خلق‌ارا تعلیم کونینی افغانستان ده تعلیم دن محروم بولگن قیز اوقووچیلر اوچون اختصاص بیرگن.
کابل شهری مکتب‌لریدن بیری نینگ توقیزینچی صنف اوقووچیسی ظریفه نینگ سلام‌وطندار گه ایتیشیچه: «تأسف بیلن ایکی ییل دن بویان تعلیم دن محروم بولگن‌میز، مکتب‌لر ایشیگی یاپیلیشی اوستی‌میزگه سلبی تأثیر قیلگن.»
اسلام امیرلیگی افغانستان ده حاکمیت نی قولگه آلیشیدن کیین، دستلب آلتینچی صنف دن یوقاری قیز اوقووچیلرنی مکتب باریش دن محروم قیلدی و سونگی آی‌لرده طلبه قیزلر گه بیلیم یورت باریش رخصتینی منع قیلگن.
بیزلرنینگ فیسبوک صحیفه‌میزگه باش اورینگ!
اوتگن بیر یریم ییل ده قیز اوقووچیلر یوزی گه مکتب‌لر یاپیلیشی باعث، اولردن قطاری مکتب‌لر قیته آچیلیش دن امیدسیز بولیشگن.
کابل شهری مکتب‌لریدن بیری نینگ اوقووچیسی بصیره شیرزاد نینگ ایتیشیچه: «اسلام امیرلیگی کونسه‌یین خاتین قیزلر گه چیکلاولرنی کوچه‌یتیرماقده و قیز اووقووچیلر مکتب‌لر قیته آچیلیشی گه دایر امیدلرینی قولدن بیرگن.»
کابل شهری مکتب‌لریدن بیری نینگ باشقه اوقووچیسی فوزیه آزاد نینگ کوپه‌یتیریشیچه: «مکتب‌لر ایشیگی یاپیلیب و قیزلر تعلیم دن محروم ایتیلگنی باعث، خلق‌ارا تعلیم کونینی بیز گه تسلیت دییش‌لری کیره‌ک.»
شو بیلن بیرگه، بیرلشگن ملت‌لر تشکیلاتی نینگ باش کاتبی آنتونیو گوترش، خلق‌ارا تعلیم کونی مناسبتی بیلن بولگن پیامیده، اسلام امیرلیگی دن قیز اوقووچیلر یوزی گه مکتب‌لرنی تیزلیک بیلن آچیش‌لرینی طلب قیلگن.
او اوز توییتری ده یازیشیچه: «اسلام امیرلیگی دن، افغانستان ده خاتین قیزلر نینگ تعلیم و ایشی توخته‌تیلیش قرارینی تیزلیک بیلن بیکار قیلیشینی ایسته‌یمن.»
افغانستان ده قیز اوقووچیلر یوزی گه مکتب‌لر یاپیلیشی بیلن، بیرلشگن ملت‌لر تشکیلاتی و دنیا همجمعیت، نیچه مراتبه بیانیه ترقه‌تیب و قیز اوقووچیلر گه تعلیم آلیش رخصتی بیریلیشینی سوره‌گنلر؛ بیراق اوشبو بیانیه‌لر حاضرگچه نتیجه بیرمه‌گن.
بیزلرنینگ توییترده هم تعقیب قیلینگ!
عیال حقوقی فعاللریدن حسنا روفی نینگ ایتیشیچه: «بیرلشگن ملت‌لر تشکیلاتی افغانستان ده قیز اوقووچیلر نینگ تعلیم آلیشی اوچون عملی حرکت قیلسه ایدی، اوشبو ایکی ییل ده قیزلر گه مکتب باریش رخصتی بیریلر ایدی، لیکن تأسف بیلن بیرلشگن ملت‌لر تشکیلاتی تویت و بیانیه ترقه‌تیش دن باشقه هیچ نرسه قیلمه‌گن.»
ایتیش کیره‌ک که، اوتگن بیر یریم ییل ده افغانستان ده قیزلر نینگ تعلیمی توخته‌تیلیشی، ملی و خلق‌ارا مناسبت‌لر گه روپه‌ره بولگن؛ بیراق اسلام امیرلیگی هردایم قیز اوقووچیلر گه مناسب فضا یره‌تیب و معارف درسی نصابی اوستیده‌گی ایش یکونیدن کیین، قیزلر گه مکتب باریش رخصتی بیریلیشینی ایتگنلر.
شو بیلن بیرگه، اسلام امیرلیگی معارف وزیرلیگی، قیزلر گه مکتب باریش رخصتی بیریلیش ریجه ایشی قنچه آلغه بارگن، حاضرگچه هیچ نرسه دیمه‌گن.
