کابل ده «غرجستان» خصوصی بیلیم یورتی، افغان ایش بیلرمان‌لری خلق‌ارا اویوشمه‌سی، متحرک اقتصاد کلتوری نهادی و «اسوه» دارالقران همکارلیگی بیلن، ییگیتلر گه تحصیل زمینه‌سی نی یره‌تیش و اولر نینگ چیت ایل گه مهاجر بولمه‌سلیک‌لری مقصد، بیتیم امضا قیلگنلر.
غرجستان خصوصی بیلیم یورت رئیسی چمن‌شاه اعتمادی نینگ ایتیشیچه، اوشبو بیتیم اساسیده، بیر مینگ‌دن آرتیق اوقووچی حقوق، جمعیت شناس‌لیک، کمپیوتر ساینس، اقتصاد و دولتی مدیریت بولیم‌لریده تورت ییل‌‌گچه رایگان شکلده تحصیل‌لری نینگ دوام بیریشلری ممکن.
بیزلرنینگ فیسبوک صحیفه‌میزگه باش اورینگ!
اونگه کوره، مملکت بویلب برچه ییگیتلر، کانکور سیناوی نی اوتکزیش بیلن اوشبو تحصیلی برنامه گه شامل بولیش‌لری ممکن. اعتمادی نینگ کوپه‌یتیریشیچه: «مذکور بورسیه کیله‌جک خصوصیده ناامید بولگن ییگیتلر گه انگیزه بیره‌دی. امکانتی‌میز گه قدر مملکت ییگیت‌لری گه تحصیل زمینه‌سی نی یره‌تیش اوچون سعی و حرکت قیله‌میز.»
افغان ایش بیلرمان‌لری خلق‌ارا اویوشمه‌سی مسئوللری، حاضرگی وضعیت‌ده تحصیلی بورسیه‌لر نینگ اعلام بولینیشی نی، مملکت‌ده علمی ترقیات و ییگیتلر اوچون تحصیلی انگیزه‌لری نینگ یوقاری کیتیشی خصوصیده اونملی عنوان قیله‌دیلر.
مذکور نهاد رئیسی صدیقمنصور انصاری نینگ ایتیشیچه: «مذکور بیتیم نینگ مملکت‌ده تحصیلی بیر انقلاب گه اوزگریشی نی کوتیب تورگن‌میز و حاضرگی نسل یانیده، کیله‌سی نسل‌لر گه هم فایده‌لی بولسین. خصوصی سکتور حکومت یانیده بولیب و ییگیتلر گه تحصیل زمینه‌سی نی یره‌تسین که بو رقم، ییگیتلر مملکت‌دن کیتیب مهاجر بولمه‌ی اوشبو مملکت ترقیاتی خصوصیده ایشله‌سینلر.»
شونینگدیک اوشبو نهاد‌لر مسئوللری اسلام امیر‌لیگی‌دن، قیزلر یوزیگه مکتب‌لر و بیلیم یورت‌لر ایشیگی نی آچیب و اسلامی ارزش‌لر چهارچوبه‌سیده اولر گه تعلیم زمینه‌سی یره‌تیلیشی نی ایسته‌گنلر.
بیزلرنینگ توییترده هم تعقیب قیلینگ!
افغان ایش بیلرمان‌لری خلق‌ارا اویوشمه‌سی رئیسی صدیقمنصور انصاری نینگ ایتیشیچه: «افغاستان اهالیسی آدرسی‌دن اسلام امیر‌لیگی‌دن افغان سینگیل‌لریمیز و آنه‌لریمیز علم یولی بیلن مملکت ترقیاتی اوچون درس اوقیسین‌لر. افغانستان اهالیسی هیچ وقت بی‌سواد آنه‌لر نی اوز نسل‌لری اوچون ایستمه‌یدیلر.»
اوتگن ایکی ییل جریانیده اقتصادی قیین‌چیلیک‌لر سبب، طلبه‌لردن کوپینچه‌سی تحصیل گه دوام بیرمه‌ی و شونینگدیک خصوصی بیلیم یورت‌لر ایسه، قیزلر نینگ تحصیل‌دن محرم قالگنی سبب، طلبه کم‌لیگی بیلن روپه‌ره بولگنی بیرحالده، اوشبو تحصیلی بورسیه اعلام بولگن دیر.
