پکتیکا محلی مسئوللری نینگ ایتیش‌لریچه، هییت کونلریده مذکور ولایت نینگ مرکزی و بیر قطار تومن‌لریده کمیده ۱۷۰ ترافیکی حادثه یوز بیرگن.
پکتیکا مرکزی کسل‌خانه مسئولی عظیم‌گل جلالی نینگ سلام‌وطندار گه ایتیشیچه، ۱۴۰ ترافیکی حادثه نتیجه‌سیده، ۴ جسد و ۱۰۰دن آرتیق یره‌دار اوشبو کسل‌خانه گه انتقال بیریلگن. اونگه کوره، مذکور حادثه‌لردن کوپینچه‌سی موتر‌لر بیلن موترسایکل نینگ توقنشوو سبب یوز بیرگن.
شونینگدیک پکتیکا ولایتی کسل‌خانه‌سیدن باشقه بیر منبع نینگ ایتیشیچه، مذکور پیتده یوز بیرگن ۳۰ ترافیکی حادثه‌دن اونلرچه یره‌دار اوشبو کسل‌خانه گه مراجعت قیلگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، پکتیکا حاکمی اورین‌باسری محب‌الله حماس نینگ سلام‌وطندار گه ایتیشیچه، اوشبو ولایت نینگ مرکزی شامل شونینگدیک تومن‌لریدن قطاری‌ده ترافیکی حادثه‌لر یوز بیرگن.
پکتیکا حاکمی اورین‌باسری نینگ کوپه‌یتیریشیچه، اسلامی امارت کوچلری ترافیکی حادثه‌لردن توسیق بولیش اوچون سعی و حرکت قیلگنلر و هر بیر چک پاینت‌ده هیداوچیلر گه احتیاط توصیه قیلینگن، بیراق ینه هم هیداوچیلر نینگ توجه‌سیزلیگی و احتیاط‌سیزلیگی باعث، ترافیکی حادثه‌لر یوز بیرگن.
باشقه بیر تامان‌دن، هلمند محلی مسئوللری نینگ ایتیش‌لریچه، هییت کونلریده اوشبو ولایت مرکزی و تومنی‌لریدن قطاری ده یوز بیرگن ترافیکی حادثه‌لر نتیجه‌سیده، ۲ کیشی هلاک و ۳۸ کیشی ایسه یره‌لنگن.
هلمند معلومات و مدنیت ریاستی نینگ مطبوعات آمری محمد‌قاسم ریاض نینگ سلام‌وطندار گه ایتیشیچه، مذکور حادثه‌لردن کوپینچه‌سی اوشبو ولایت نینگ سنگین تومنی‌ده یوز بیرگن.
بیزلرنینگ توییترده هم تعقیب قیلینگ!
شونینگدیک ارزگان محلی مسئوللری اوشبو ولایت‌ده ترافیکی حادثه‌لر نتیجه‌سیده، اونلر کیشی نینگ هلاک و یرهلنگنیدن خبر بیره‌دیلر. ارزگان ولایتی کسل‌خانه باش‌داکتری عبدالغفار وطن‌وال نینگ سلام‌وطندار گه ایتیشیچه، هییت کونلریده ۱۰۰ یره‌دار اوشبو کسل‌خانه گه انتقال بیریلگن و مذکور حادثه‌لر نتیجه‌سیده بیر کیشی ایسه جان بیرگن.
ایتیش کیره‌ک که، ننگرهار و هرات ولایت‌لری نینگ محلی مسئوللری ترافیکی حادثه‌لر نتیجه‌سیده، هییت کونلریده اونلر کیشی نینگ هلاک و یرهلنگنیدن خبر بیرگنلر.
