مملکت نینگ غربی و جنوبی ولایت‌لر محلی مسئوللری، اوشبو ولایت‌لرده ترافیکی حادثه قربانی‌لری رقمی کوپه‌یشیدن خواطر بیلدیریب ایتیشلریچه، اوتگن بیر آی‌ده ترافیکی حادثه‌لر طفیلی عیال و باله‌لر شامل ۴۴ جان بیریب و ۱۷۰۰ دن آرتیق کیشی ایسه یره‌لنگن.
سلام‌وطندار نینگ معلوماتی اساسیده، اوشبو ییل حمل آیی جریانی‌ده قندهار ولایتیده ۲۱ کیشی هلاک و ۷۲۱ کیشی یره‌لنگن، هرات‌ده ۱۸ کیشی هلاک و ۶۵۷ کیشی یره‌لنگن، هلمند ولایتیده ۳ کیشی هلاک و ۱۱ کیشی یره‌لنگن، زابل‌ده بیر کیشی هلاک و ۱۵ کیشی یره‌لنگن، بادغیس‌ده بیر کیشی هلاک و ۹۳ کیشی یره‌لنگن، ارزگان‌ده ۱۲۴ کیشی یره‌لنگن، غورده کمیده یوز کیشی یره‌لنگن و فراه‌ده هم ۶ کیشی یره‌لی واقعه رویخطگه آلینگن.
بیزلرنینگ فیسبوک صحیفه‌میزگه باش اورینگ!
مذکور ولایت‌لر محلی متصدی‌لری نینگ ایتیشلریچه، ترافیکی حادثه‌لرده باله‌لر، عیاللر و ایرکک کیشی‌لر قربان بولگن‌لر. اولر ترافیکی حادثه‌لر کوچه‌یش عاملینی کیچیک یاشرلر هیداوچیلر، سرک‌لر بوزوقلیگی و ترافیکی قانون_قاعده‌لر رعایت ایتیلمسلیگی عنوان قیله‌دیلر.
باشقه تاماندن مذکور ولایت‌لر نینگ ترافیک مدیریت مسئوللری گه کوره، ینگی ییل باشله‌نیشی و اهالی نینگ قتنه‌شیشی بیلن، ترافیکی واقعه‌لر تلفاتی کوپه‌یگن. اولر نینگ ایتیشلریچه، حاضرگچه مرکزی رسمی‌لر تامانیدن ترافیکی مدیریت‌لرگه ینگی کورستمه‌لر بیریلمه‌گن بولسه‌ده، لیکن اولر اهالی‌گه آگاهی‌لیک بیریش برنامه‌لری بیلن ترافیکی واقعه‌لر و قربانی‌لر رقمینی کمه‌یتیریش مقصدیده سعی و حرکت قیلماقده‌لر.
اوشبو ولایت‌لر نینگ مسئوللری برچه عایله‌لردن، موترلرینی کیچیک یاشر باله‌لری اختیاری‌ده قویمه‌ی و ترافیکی حادثه‌لر کمه‌یشی اوچون اولر بیلن همکارلیک قیلیش‌لرینی سوره‌یدیلر.
بیزلرنینگ توییترده هم تعقیب قیلینگ!
قندهار ساغلیق‌نی سقلش مسئوللری نینگ ایتیشلریچه، یالغیز اوتگن آلتی آی‌ده اوشبو ولایت بویلب ۳ مینگ ۹۲۶ کیشی ترافیکی حادثه‌لرده یره‌لنیب و ۱۲۶ کیشی ایسه جان بیرگن‌لر.
ایتیش کیره‌ک که، ینگی ییل کیلیشی و اهالی نینگ باردی کیلیشی کوپه‌یشی بیلن مملکت قتناو یول‌لریده ترافیکی حادثه‌لر کوپیه‌دی.
