اسلامی امارت سوداگرلیک و صنعت وزیرلیگی نینگ ایتیشیچه، افغانستان بیرینچی مرته قزاقستان گه قاغاز صادر قیلگن. اوشبو وزیرلیک بوگون افغانستان کان و صنعتلر اتاقی‌دن نقل قیلیب توییتر صحیفه‌سیده یازگن که، «بهیر کمپنی‌لر گروپی» نینگ بیرینچی ایشلب چیقارگن کاروانی قزاقستان گه صادر قیلینگن.
بیزلرنینگ فیسبوک صحیفه‌میزگه باش اورینگ!
شونینگدیک «بهیر کمپنی‌لر گروپی» هم فیسبوک صحیفه‌سیده یازگن که، اوشبو ایش‌خانه نی A4 قاغاز محصول‌لری نینگ بیرینچی محموله‌سی قزاقستان گه صادر بولگن. «بهیر کمپنی‌لر گروپی» نینگ ایتیشیچه، A4 و A3 اندازه‌لریده‌گی آق قاغاز‌لر، اوشبو گروپ نینگ قاغاز ایشلب چیقارووچی ایش‌خانه‌سیده تولید بوله‌دی.
«بهیر» ایش‌خانه‌سی قویاش ۱۳۹۹-ییل نینگ کوز موسومی باشیده، کابل‌ده آق قاغاز ایشلب چیقاریش گه باشله‌گن افغانستان نینگ بیرینچی صنعتی ایش‌خانه‌لریدن دیر.
بیزلرنینگ توییترده هم تعقیب قیلینگ!
گزارش‌لر اساسیده، اوشبو ایش‌خانه مسئوللری اوشه زمان‌ده، کونده ۱۲۰ تُن ایشلب چیقاریش ظرفیت‌لری بارلیگی نی و ییترلیچه خام ماده‌لری بولگن صورت‌ده، افغانستان نینگ آق قاغاز خصوصیده احتیاج‌لرینی حل قیلیش‌لری نی ایتگن ایدیلر.
