افغانستان سوداکرلیک و سرمایه یاتقیزووچی اتاق مدیری نینگ بیرینچی هیأت اورین باسری یونس مهمند، بوگون «افغانستان خصوصی سکتور ملی کنفرانسی» نامی بیلن بیر ییغین نی یولگه قویب و ایتیشیچه، اسلامی امارت نینگ قدرت گه ایریشگنی بیلن، صادرات بولیمیده ایچکی عواید کوپه‌یگن دیر.
افغانستان سوداکرلیک و سرمایه یاتقیزووچی اتاق مدیری نینگ بیرینچی هیأت اورین باسری گه کوره، اوتمیش ییل‌ده مملکت نینگ صادارت بولیمیده ایچکی عواید ۷۲۹ میلیون دالر ایکن؛ بیراق بو رقم جاری ییل‌ده ایکی میلیارد دالر گه ییتیشگن. جناب مهمند فساد‌دن توسیق بولیش، مذکور عواید نینگ کوپه‌یگنی گه سبب بولگن دیگن.
بیزلرنینگ فیسبوک صحیفه‌میزگه باش اورینگ!
باشقه بیر تاماندن رئیس‌الوزرا بیرینچی اورین باسری ملا‌عبدالغنی برادر، مذکور ییغین گه اشتراک قیلیب، خصوصی سکتور نی اسلامی امارت نینگ بویوک کوچی عنوان قیلیب و ایتیشیچه، افغانستان‌ده ۴۰ ییل‌لیک اوروش و سابق تیزیم‌ده اداری فساد، اقتصادی پیشرفت گه توسیق بولگن.
رئیس‌الوزرا بیرینچی اورین باسری گه کوره، اسلامی امارت نینگ قدرت گه ایریشگنی بیلن مملکت‌ده سرمایه یاتقیزیش اوچون کوپ زمینه یره‌تیلگن. اونینگ کوپه‌یتیریشیچه، اسلامی امارت سوداگرلر نینگ ترانسپورت و گمرکلر بولیمیده قیین‌چیلکلری نی حل قیلیش اوچون سعی و حرکت قیلماقده.
اسلامی امارت رئیس‌الوزرا بیرینچی اورین باسری، مملکت تشقی‌سیده حیات کیچیره‌دیگن افغان سوداگرلر و سرمایه یاتقیزووچیلریدن، سرمایه یاقیزیش اوچون افغانستان گه قیته کیلیشلری نی سوره‌گن.
بیزلرنینگ فیسبوک صحیفه‌میزگه باش اورینگ!
جناب برادر نینگ کوپه‌یتیریشیچه، افغانستان‌ده سرمایه یاتقیزووچیلر اوچون بوتون زمینه فراهم بولگن، امنیت بار و افغان سرمایه یاتقیزووچیلر تشقی مملکتلرده سرمایه یاتقیزیش اورنیده، مملکت ایچیده اوز یشاوچیلری اوچون ایش و پیشرفت زمینه‌سی نی فراهم قیلیشلری کیره‌ک.
شونده‌ی بیرحالده، افغانستان کانلر و صنعت‌لر اتاقی رئیسی شیرباز کمین‌زاده، سوداگرلر و صنعت‌چیلر اوچون امنیت نینگ تامین‌لشی نی اونملی دیگن.
شونده‌ی بیرحالده، اسلامی امارت نینگ قدرت گه ایریشگنی و دنیا جماعه‌سی تامانیدن یره‌تیلگن تحریم‌لردن کیین، دنیا تشکیلات‌لری افغانستان‌ده انسانی و اقتصادی وضعیت نینگ یمان‌لنگنی علاوه، سوداگرلیک و سرمایه یاتقیزووچی اتاقی صادرات بولیمیده ایچکی عواید نینگ کوپه‌یگیندن صحبت قیلگن.
