دایکندی محلی مسئوللری نینگ ایتیشلریچه، اوتگن کون ساعت ۴ اطرافیده اوشبو ولایت گیزاب تومنی نینگ «کندوگک» ساحه‌سیده بیر موتر جاده نینگ موزلنگنی باعث، یولدن چیقیب هلمند دریاسی گه سقوط قیلگن.
دایکندی حاکمی دفتر رئیسی مولوی خلیل نینگ سلام‌وطندار گه ایتیشیچه، بیر موتر ایکی باله، ایکی ایرکک و ۴ عیال شامل ۸ یولاوچی بیلن یولدن چیقیب و هلمند دریاسی گه غرق بولگن. اونگه کوره، مذکور واقعه‌ده ۴ عیال جان بیریب و باشقه ۴ کیشی ایسه یره‌لنگن.
بیزلرنینگ فیسبوک صحیفه‌میزگه باش اورینگ!
دایکندی حاکمی دفتر رئیسی نینگ کوپه‌یتیریشیچه، اوشبو واقعه‌ده قربان بولگن کیشی‌لر نینگ جسدلری نی تاپیش اوچون محل یشاوچیلری نینگ همکارلیگی بیلن گیزاب تومن اداره‌سی تامانیدن عملیات باشلنگن و حاضرگچه بیر عیال نینگ جسدی سوودن چیقاریلگن.
اونینگ اورغولشیچه، اوچ عیال نینگ جسدلری نی تاپیش اوچون تیکشیروو عملیاتی نینگ دوامی بار. دایکندی حاکمی دفتر رئیسی نینگ ایتیشیچه: «مذکور موتر یولاوچی‌لری دایکندی نینگ پاتوی تومنی نینگ سهور قیشلاغی یشاوچیلری دیر.»
سونگی کونلرده مملکت ولایتلریدن قطاری کوپ قاریش یاغیش‌گه شاهد ایدی که شونینگدیک اوشبو یاغیشلر جاده‌لر نینگ بوزیلگنی گه سبب بولگن.
دایکندی، مملکت مرکزیده محروم و اوزاق‌ده قالگن بیر ولایت دیر که هر ییل اونینگ یشاوچیلریدن اونلرچه‌سی جاده‌لر نینگ کیچیکلیگی باعث، ترافیکی واقعه‌لرده هلاک بوله‌دیلر.
