بامیان ولایتی بوییچه جاده‌لردن مراقبت قیلیش ریاستی مسوول‌لری نینگ ایتیش‌لریچه، قلین قار یاغگنی سبب، غور-دایکندی قتناو یول‌لری باغلنگن.
بامیان ولایتی بوییچه جاده‌لردن مراقبت قیلیش ریاستی باشلیغی محمدعلی شهرستانی نینگ سلام‌وطندارگه ایتیشیچه، کابل-بامیان قتناو یولیده بولگن حاجی‌گک کوتلی و «شاتو» و «بکک» کوتل‌لری غور و دایکندی ولایتلرینی کابل بیلن وصل قیله‌دی، بیراق قلین قار یاغگنی سبب باغلنگن.
شهرستانی نینگ ایتیشیچه، قلین قار کوتل “آق‌رباط” گه یاغگنی باعث، بامیان مرکزی بیلن باغله‌یدیگن سیغان، کهمرد، ورس و پنجاب تومنی‌لری و شاتو کوتلی نینگ یولی ترافیک یوزیگه باغلنگن.
عین‌حالده، دایکندی ولایتی بوییچه قتناو یوللرنی سقلش مسؤل‌لری نینگ ایتیش‌لریچه، خدیر – نیلی تومنی نینگ قتناویول‌لرینی تمیزلش ایشی نینگ جریانی بار، لیکن باشقه یول‌لر توفان بارلیگی باعث، یاپیق قالگن.
دایکندی ولایتی بوییچه جاده‌لردن مراقبت قیلیش ریاستی باشلیغی خدا داد سیرت نینگ ایتیشیچه، «قوناق» کوتلی دایکندی‌نی بامیان بیلن وصل قیله‌دی اوشبو کوتل یالغیز مسافر تاشیووچی موترلرنی اوتیب قیتیشی اوچون آچیلگن و باشقه قتناو یوللرنی آچیش اوچون سعی و حرکت‌لرنی دوامی بار.
بامیان و دایکندی ولایت‌لریده قتناو یوللردن مراقبت قلیش ریاستی مسوول‌لری نینگ ایتیش‌لریچه، اوشبو ایکی ولایت قتناو یول‌لریده هیچ‌بیر یولاوچی بند قالمه‌گن و بوگون آقشام گه‌قدر بوتون یوللرنی ترافیک یوزیگه آچیلیشی ممکن.
بیراق، بامیان پولیس قومندانلیگی مطبوعاتی بولیمی نینگ بیر خبرنامه آرقه‌لی ایتیشیچه، پولیس کوچلری اوتگن کیچه قار گه بند قالگن کمیده ۱۰۰ موتر یولاوچی‌لرینی قوتقرگن.
