دایکندی ولایتی سنگ‌تخت‌وبندر تومنی یشاوچیلریدن بیرقطاری، کسل‌لرینی دوالش اوچون کسلخانه یوق‌لیگیدن شکایت قیلیب ایتیشلریچه، دایکندی مرکزی دن اوزاق ده جایلشگن اوشبو تومن نینگ قریب ۹۰ مینگ نفوسی بولسه ده، بیراق بو تومن ده هیچ بیر کسلخانه یوق دیر.
دایکندی ولایتی سنگ‌تخت‌وبندر تومنی «دهن‌بیدک» قیشلاغی یشاوچیسی رشید شفایی، مذکور تومن ده کسلخانه یوق‌لیگیدن نالیب ایتیشیچه: «قیش ده کوپ عذاب چیکه‌میز، بو تومن ده مسلکی شفاکار و کسلخانه یوق، قیش ده منطقه‌میزده کوپ قار یاغه‌دی. کسل‌لریمیزنی ۲۴ ساعت ایچیده دایکندی مرکزی نیلی شهری گه انتقال بیره آلمه‌یمیز.»
شونینگدیک، دایکندی یشاوچیلریدن باشقه بیری فاطمه نینگ کوپه‌یتیریشیچه، اوشبو تومن نینگ کلینیک‌لریده ییترلیچه امکانیت یوق دیر.
بیزلرنینگ فیسبوک صحیفه‌میزگه باش اورینگ!
فاطمه گه کوره، اوشبو کلینیک‌لرده دارو و طبی اوسکونه گه قوشیمچه مسلکی شفاکار استخدام ایتیلیشی کیره‌ک. او نینگ کوپه‌یتیریشیچه: «بیر کلینیک بار، او ییرده نیچه کیشی ایشله‌یدی، اولر کسل‌لرنی دارو_دواله آلمه‌یدی، او ییرده جراح‌لیک بولیمی آچیلسه مسلکی و متخصص شفاکار کیره‌ک، بو ییرده باله‌لر داکتری، قلب داکتری یوق دیر. هیچ نرسه‌سی یوق، یالغیز بیر کلینیک دیر.»
سنگ‌تخت‌وبندر تومنی یشاوچیلریدن باشقه بیری زهرا بشردوست، سابق اوشبو تومن کلینیکی ده قابله ایدی ایتیشیچه، یول اوزاق‌لیگی باعث کسل‌لردن بیرقطاری کسلخانه گه ییتمسدن آلدین یول گه وفات ایته‌دیلر.
او نینگ کوپه‌یتیریشیچه: «ولایتی کسلخانه گه یوبارگن کسل‌لردن بعضی‌لری ییتیشیب و بعضی‌لری ییتیشمه‌گن؛ مین اوزیم بیر کسل یوبارگندیم خدیر ییتگن پیتده وفات ایتدی. قیینچیلیک کوپ دیر اینیقسه قیش موسومی ده.»
دایکندی سنگ‌تخت‌وبندر تومنی یشاوچیلریدن باشقه بیری مهدی گه کوره: «اوشبو تومن نینگ ۸۷ مینگ جمعیتی بولسه ده یالغیز بیر کلینیکی بار، بو کیلینیک یشاوچیلر نینگ درمانی اوچون ییترلی ایمس.»
باشقه تاماندن، سنگ‌تخت‌وبندر تومنی کلینیک‌لریده‌گی شفاکارلر نینگ ایتیشلریچه، اوشبو کلینیک‌لرده کوپ سانده کسل‌لر دارو_دوالنمه‌یدی و مذکور تومن ده بیر کسلخانه قوریلیشی جدی نیاز دیر.
سنگ‌تخت‌وبندر تومنی کلینیک‌لریدن بیری نینگ شفاکاری عبدل‌حیدری نینگ سلام‌وطندار گه ایتیشیچه: «سنگ‌تخت‌وبندر مرکزی ده بیر کیلینیک بار و کسلخانه یوق، شونی اوچون یشاوچیلر نینگ برچه قیینچیلیگی اینیقسه قیش ده بو ییرده حل بولمه‌یدی. بو تومن ده بیر کسلخانه قوریلیشی جدی نیاز دیر. کسلخانه قوریلیشی یشاوچیلر اوچون جدی نیاز دیر. کسلخانه و کلینیک‌لر آره‌سیده فرق کوپ.»
بیزلرنینگ توییترده هم تعقیب قیلینگ!
بوتوغریده دایکندی ساغلیق‌نی سقلش مسئوللری نینگ فکر_ملاحظه‌سینی اورگه‌نیش اوچون تلاش قیلدیک، لیکن مؤفق بولمه‌دیک.
عین‌حالده، سلام‌وطندار بیلن صحبت اوتکزگن ساغلیق‌نی سقلش وزیرلیگی سوزلاوچیسی شرافت زمان، اسلام امیرلیگی ساغلیک مرکزلری آز بولگن منطقه‌لرده چمه‌سی ۵۰۰ ساغلیک مرکز ایجاد ایتیلیشینی ایتگن ایدی.
او نینگ کوپه‌یتیریشیچه: «اوتگن ۲۰ ییل ده بوتوغریده اونچه‌لیک دقت قیلینمه‌گن. مملکت نینگ قریب ۴۰ فایز منطقه یشاوچیلری طبی امکانیت‌لردن فایده‌لنه آلمه‌یدیلر، اسلام امیرلیگی حاکمیتیدن کیین افغانستان ده ۱۵۰ ساغلیک ینگی مرکزلر قوریلگن. جاری ییل ده طبی امکانیت‌لردن محروم قالگن منطقه یشاوچیلری اوچون، تخمیناً ۵۰۰ ساغلیک مرکز قوریشنی قرار قیلگن‌میز.»
برچه‌سی بیلن، دایکندی سنگ‌تخت‌وبندر تومنی یشاوچیلریدن بیرقطاری اسلام امیرلیگی دن، ساغلیک قیینچیلیکلری حلی اوچون دقت قیلیشنی سوره‌یدیلر.
