دایکندی ولایتی پاتو تومنی نینگ «سرتگاب» منطقه یشاوچیسی رحمت، سلام‌وطندار بیلن اوتکزگن صحبت ده مردمی کوچلر و طالبان جنگریلری آره‌سیده یوز بیرگن نیچه کونلیک آتیشمه‌دن بونده‌ی حکایه قیله‌دی: «ولایت حاکمی و ملی خوفسیزلیک باشلیغی و پاتو تومن ولسوالی اهالیدن طالبان گه قرشی توریش‌لرینی سوره‌دی، اهالی هم توردیلر. تورت کیچه و کوندوز طالبان گه قرشی اوروشدیلر و ایکی کیچه و کوندوز طالبان نینگ قمرویگه قالدیلر، بیراق قمرونینگ سونگی کیچه‌سیده دایکندی ملی خوفسیزلیک ریاست باشلیغی، بیزلر بیلن علاقه گه اوتدی و ایتدی که بیزلر سیزلرگه یاردم بیره آلمه‌یمیز، اوزلرینگیز قوتقرینگیزلر.»
سرتگاب اوشبو یشاوچیسی نینگ ایتیشیچه، محلی اداره مردمی کوچلرگه حربی جهاز ییتیشتیرمه‌گی باعث، سرتگاب منطقه‌سی طالبان نظارتیگه اوتدی. رحمت گه کوره، طالبان جنگریلری سرتگاب منطقه‌سیده، کمیده ۵۰ یشش اوی نی ماین ییرلشتیریب و پارتلتگنلر.
بیزلرنینگ فیسبوک صحیفه‌میزگه هم باش اورینگ!
رحمت نینگ کوپه‌یتیریشیچه، سرتگاب منطقه‌سیدن کمیده ۵۰۰ عایله آواره بولگن. اونینگ ایتیشیچه: «اهالی اوی‌لریدن کوچگن کونلری هیچ بیر نرسه نی آلیب چیقه آلمه‌دیلر. نه اینیک و نه هم قوی! بو ییرده هم حاضر بیزلرگه یاردم بیریلمه‌گن، بیزلر ۵۰۰ اوی برچه‌میز آواره بولدیک. ایتیلیشیچه، فلج و کیم‌سه‌سیز کیشیلر قالگن؛ بیراق مین سوره‌گنده ایته‌دیلر که، قیشلاق ده هیچ کیم قالمه‌گن.»
سرتگاب نینگ اوشبو یشاوچیسی خواطر بیلدیریب و ایتیشیچه، طالبان بو منطقه نی نظارت گه آلیش بیلن، نهایتده هلاک بولگنلرنینگ قبری گه هم رحم قیلمه‌گن. اونگه کوره، طالبان اوچ قبر نی نابود قیلگن و سونگی آتیشمه‌لرده جان بیرگن کیشیلرنینگ جسدی نی قبر دن چیقارگنلر.
رحمت نینگ عایله‌سی باشقه تورت عایله بیلن دایکندی مرکزی نیلی شهریده کیلگنلر. اولر، باله‌لری نینگ اولیمی نی آلدی آلینیشی اوچون دولت و یاردم بیرووچی نهادلردن عاجل یاردم سوره‌گن.
شونینگدیک پاتو تومن ولسوالی سیدطاهر اعتمادی نینگ سلام‌وطندارگه ایتیشیچه، مذکور تومن تورلی منطقه‌لر اینیقسه سرتگاب منطقه‌سیدن، حاضرگچه کمیده ۱۰۰۰ عایله کیتی تومنی و دایکندی مرکزیگه بدرغه بولگن که اولرنینگ عاجل انسان دوستلیک یاردم‌لرگه احتیاجی بار.
پاتو تومن ولسوالی نینگ کوپه‌یتیریشیچه، اوروش بدرغه‌لری نینگ رقمی هر لحظه کوپه‌یماقده.
بیزلرنینگ توییترده هم تعقیب قیلینگ!
شونینگدیک سیدطاهر اعتمادی نینگ ایتیشیچه، طالبان جنگریلری پاتو تومنی نینگ ایریم بولیمی نی نظارت گه آلیش بیلن، یشش اویلر و اهالی نینگ ایکینچیلیک ییرلرینی اوت بیرگن.
بیراق طالبان سوزلاوچی‌لریدن بیری ذبیح‌الله مجاهد نینگ سلام‌وطندارگه ایتیشیچه، پاتو تومنی بو گروه جنگریلری نینگ نظارتی گه قرار تاپگن. طالبان نینگ اوشبو سوزلاوچیسی پاتو تومن ولسوالی نینگ ادعاسینی رد قیلگن.
عین حالده، دایکندی مهاجرلر ریاست مسئوللری نینگ ایتیش‌لریچه، بو اداره نینگ معلوماتی اساسیده، پاتو تومنیده طالبان و امنیتی کوچلرنینگ آره‌سیده یوزبیرگن ۱۰ کونلیک آتیشمه‌ده کمیده بیر مینگ و ۵۰۰ عایله کیتی تومنی و نیلی شهریده بدرغه بولگن.
دایکندی مهاجرلر ریاست باشلیغی ابراهیم هاشمی بو توغریده سلام‌وطندارگه ایتیشیچه: «طالبان و امنیتی کوچلر آره‌سیده‌گی آتیشمه‌ده، کمیده ۸۰۰ الی ۹۰۰ عایله پاتو تومنیدن کیتی گه بدرغه بولگن، ۷۰ الی ۱۰۰ عایله دایکندی مرکزی گه بدرغه بولگن، ۱۵۰ الی ۲۰۰ عایله پاتو دن کجران گه بدرغه بولگن و کمیده ۳۰۰ الی ۴۰۰ باشقه عایله پاتو مرکزی و اونینگ اطرافیدن سر قخور گه بدرغه بولگن.»
دایکندی مهاجرلر ریاست باشلیغی گه کوره، پاتو اوروش بدرغه‌لری یمان وضعیت گه قرار تاپگن و اولرنینگ عاجل یاردم گه احتیاجی بار.
پاتو دایکندی نینگ ناتینچ تومنلریدن بیری دیر که مذکور ولایت مرکزی نیلی نینگ ۱۰ کیلومترلیگیده قرار تاپگن و ۱۰ کوندن بویان طالبان و امنیتی کوچلرنینگ آره‌سیده جدی آتیشمه گه شاهد دیر.
