سمنگان‌ده محلی منبع‌لر نینگ ایتیشلریچه، اوشبو ولایت نینگ درصوف تومنیده ۵ کیشی ناتانیش قورالی شخص‌لر تامانیدن اوققه توتیلیب اولدیریلگن. منبع‌لر نینگ ایتیشلریچه، مذکور واقعه اوتگن کون کیچقورن مزارشریف – شولگره قتناو یولی نینگ «کوتل ریگ» منطقه‌سیده یوز بیرگن.
منبع‌لر نینگ کوپه‌یتیریشلریچه، اولدیریلگن کیشیلر دره صوف تومنی نینگ یشاوچیسی بولمیش، ایشچی و عادی کیشیلر ایکن.
بیزلرنینگ فیسبوک صحیفه‌میزگه باش اورینگ!
حاضرگچه مذکور واقعه سببی بیللی بولمه‌گن، منبع‌لرگه کوره، بو کیشیلر نینگ جسدلری دره صوف تومنی نینگ ساغلیک مرکزیده انتقال بیریلگن.
عین‌حالده، افغانستان وحدت حزبی نینگ رهبری محمد محقق اوز فیسبوک صحیفه‌سیده یازگن دیرکه عصیانچی‌لر بیر هیداوچی نی ۴ یولاوچیسی بیلن دره صوف تومنیده، موتردن توشیریب و کیین اوققه توتگنلر.
شونینگدیک او بو واقعه نینگ عامللریگه اشاره قیلیب ایتیشیچه، مذکور کیشیلر شونده‌ی بیرحالده، اولدیریلگن‌لر که اسلامی امارت سوزلاوچسی نینگ اورین باسری انعام‌الله سمنگانی اوتگن کون اعلان قیلگن ایدی، افغانستان نینگ هیچ بیر منطقه‌سیده داعش گروهی نینگ فزیکی حضوری یوق.
بیزلرنینگ توییترده هم تعقیب قیلینگ!
حاضر گچه اوشبو واقعه مسئولیتینی هیچ بیر گروه اوز ذمه‌سیگه آلمه‌گن. بو توغریده سمنگان محلی مسئولری نینگ فکرلرینی آلیشنی ایسته‌دیک بیراق، کوپینچه قونغراق‌لر بیلن موفق بولمه‌دیک.
