بلخ ولایتی سودا و سرمایه کیریتیش اتاقی مسئوللری، مزارشریف شهریده بو ولایت همده اوزبیکستان تدبیرکارلری اورتهسیده سودا ییغیلیشی اوتکزیلگنیدن خبر بیردیلر.
بلخ ولایتی سودا و سرمایه کیریتیش اتاقی باشلیغی محمدابراهیم غضنفرنینگ ایتیشیچه، اوشبو یغیلیش افغانستان و اوزبیکستان اورتهسیده سودا آلیش-بیریش حجمینی آشیریش مقصدیده، ۵ میزان/۲۷ سپتمبر، یکشنبه کونی بلخده اوتکزیلگن.
غضنفر گه کوره، تجاری علاقهلرنی مستحکملش اوچون اوزبیکستان خوارزم ولایتی حاکمی اورین باسری ۳۰ تدبیرکار بیلن بیرگهلیکده بلخ گه سفر قیلگنلر.
بلخ سودا و سرمایه کیریتیش اتاقی باشلیغی، بو اداره فرصتلرنی انیقلش و بو ایکی مملکت سوداگرلری اورتهسیده سودا فعالیتلرنی آسانلشتیریش و علاقه اورنهتیش بولیمیده همکارلیک قیلیشگه تیارلیگینی قوشیمچه قیلگن.
شو بیلن بیرگه، خوارزم ولایتی حاکمی اورین باسری علیشیر جانوف، بو مملکت تدبیرکارلری افغانستانلیک سوداگرلری بیلن بیرگهلیکده تورلی ساحه اینیقسه زراعت بولیمیده سرمایه کیریتیش گه قیزیقهیاتگنلرینی بیلدیرهدی.
ایسلهتیب اوتهمیز بوندن ایلگری هم، بلخ و کابلده افغانستان و اوزبیکستان تدبیرکارلری اورتهسیده سودا ییغیلیشلری بولیب اوتگن.
