مزارشریف ده مولانا جلال‌الدین محمد بلخی» قونالغه‌سی مسئوللری نینگ ایتیشلریچه، بیرلشگن عرب امیرلیگی نینگ دبی شهری دن مستقیم بیر اۉچیش ده، ۱۶ تُن سوداگرلیک توار بلخ مرکزی مزارشریف شهری گه یېتیب کېلگن.
مولانا جلال‌الدین محمد بلخی قونالغه‌سی نینگ باجخانه مدیری عبدالله مطئن گه کوره، «بیات پاور» شرکتی گه عاید برقی اوسکونه‌لردن عبارت اوشبو سوداگرلیک توار ۳-حوت، پنج‌شنبه کیچه بلخ گه یېتیب کېلگن.
بیزلرنینگ فیسبوک صحیفه‌میزگه باش اورینگ!
مسئوللر گه کوره، اسلام امیرلیگی حاکمیتیدن سۉنگ بو کارگو بیرینچی اۉچیشی بولیب و مولانا جلال‌الدین محمد بلخی قونالغه‌سی گه یېتیب کېلگن.
مولانا جلال‌الدین محمد بلخی قونالغه‌سی مسئوللری نینگ کوپه‌یتیریشیچه، اوشبو هوا قونالغه آرقه‌لی منتظم طرز ده سوداگرلیک توارلرنی صادر و وارد قیلیش جریانی باشلنیشی اوچون سعی‌وحرکت قیلماقده‌لر.
بیزلرنینگ «ایکس» ترماغی ده هم تعقیب قیلینگ!
عین‌حالده، بلخ سوداگرلیک و سرمایه یاتقیزیش اتاق مسئوللری، توزوم اۉزگریشیدن کیین کارگو بیرینچی اۉچیشینی خوش قرشی‌لب ایتیشلریچه، هوا دهلیزی آرقه‌لی صادر و وارد قیلیش جریانی باشلنیشی مملکت نینگ اقتصادیاتی رواجلنیشی گه سبب بولیشی ممکن.
معلومات‌لر اساسیده، مولانا جلال‌الدین محمد بلخی هوا یولی آرقه‌لی بوندن آلدین یالغیز جلغوزه و باشقه سوداگرلیک توارلر منطقه مملکت‌لر گه صادر بولر اېدی.
