غزنی ولایتیده محلی منبع‌لر نینگ ایتیشلریچه، «بریالی» اسملی مذکور ییگیت اوتگن هفته پنج‌شنبه کونی توشدن کیین غزنی شهری نینگ «علی لالا» منطقه‌سیدن یوقالگن ایدی.
منبع‌لر نینگ ایتیشلریچه، مذکور ییگیت نینگ عایله‌سی ۲ کون‌دن کیین او نینگ جسدینی غزنی حوزوی کسلخانه‌سیدن قولگه کیلتیرگن‌لر.
عین‌حالده، اوشبو ییگیت نینگ قرینداش‌لریگه کوره، نیچه پیچاق بو ییگیت نینگ بدنی و یوزیگه اصابت قیلگن دیر و حاضرگچه بو قتل نینگ سببی بیللی بولمه‌گن.
بیزلرنینگ فیسبوک صحیفه‌میزگه باش اورینگ!
بریالی عایله اعضالری نینگ کوپه‌یتیریشیچه، بریالی بیر هفته آلدین توی قیلگن ایکن. اولر اسلامی امارت‌دن اوشبو قضیه عامللری قولگه آلینیب و جزالنتیریلیشلرینی سوره‌یدیلر.
بریالی نینگ عایله اعضاسیگه کوره، اوشبو ییگیت سابق و حاضرگی حکومت نظامیلری بیلن هیچ قنده‌ی علاقه‌سی بولمه‌ی و یول چیککه‌سیده سودا ساتیق قیلر ایکن.
غزنی ولایتی نینگ محلی مسئوللری حاضرگه قدر بو توغریده هیچ نرسه دیمه‌گن‌لر.
