میدانوردک ولایتی نینگ بهسود تومنی یشاوچیلری نینگ اوتگن کوندهگی اعتراضلری زوروانلیککه اوزگردی.
امنیتی کوچلر اعتراضچیلرگه قرشی اوق آتگن و نتیجهده بیرقطار کیشیلر هلاک و یرهلنگنلر.
بوگون “شنبه” نمایندهلر کینگشی عضوی مهدی راسخ نینگ کابلده اعتراضی بیر ییغینده ایتیشیچه، بهسود ده تینچ اهالی حکومت تامانیدن اوق آستیگه قرار بیریلگن. اونینگ ایتیشیچه، امنیتی کوچلر تینچ اهالیدن بیرقطارینی اولدیریب و باشقه بیرقطارینی ایسه گروگه آلگن.
نمایندهلر کینگشی اوشبو عضوی نینگ کوپهیتیریشیچه، بهسود تومنیده یوز بیرگن حادثه خصوصیده ملی خوفسیزلیک کینگشیدن یاردم ایستهگنلر، بیراق اوشبو کینگشی دقت قیلمهگن.
شونینگدیک، میدانوردک یشاوچیلری نینگ ایتیشلریچه، اقاربلریدن بیرقطاری امنیتی کوچلر تامانیدن گروگه آلینگن.
میدانوردک یشاوچیلریدن بولمیش عزیزالله سخیزاده نینگ ایتیشیچه: «اقاربلریمیزدن کمیده ۱۰ تهسی اسیر آلینگن و ابهم نی اوغلی شهید بولگن و بو وضعیت اولرنی خواطرگه سالگن.»
میدانوردک یشاوچیلریدن باشقه بیری محمدسخی یعقوبی نینگ ایتیشیچه، امنیتی کوچلرنی یوبارگن مقاملردن اهالیگه جواب بیریشی کیرهک.
نمایندهلر کینگشی عضوی علیاکبر قاسمی نینگ مذکور اعتراضی ییغینده ایتیشیچه، اهالی خوفسیزلیگی نی تامینلش حکومت نینگ اساسی وظیفهسی دیر، بیراق حکومت بو ایشگه موفق بولمهگن.
اوشبو اعتراضی ییغینی یولگه قویگنلردن بیری اصغر سروش، بیر شرطنامه آرقهلی، حکومتدن بهسود گه یوباریلگن حربیلرگه تینچ اهالی گه قرشی هجومنی توختهتیش اوچون دستور بیریشینی سورهگن.
بوندن آلدین ایچکی ایشلر وزیرلیگی سوزلاوچیسی طارق آرین، میدانوردک پولیس قومندان اوشبو بهسود تومنیده ینگی پولیس قومندانینی تانیتیش و امنیتی پوستهلردن نظارت قیلیش اوچون اوشبو تومن گه بارگن.
ایچکی ایشلر وزیرلیگی سوزلاوچیسی نینگ ایتیشیچه، بیرقطار کیشیلر اعتراض نامیده بهسود تومنی بناسینی محاصره قیلگن و بیرقطار کیشی اعتراض دن ناتوغری فایدهلنگن.
جناب آرین نینگ تاکید قیلیشیچه، امنیتی کوچلر و قومندان علیپورگه تیگیشلی کیشیلر آرهسیده یوز بیرگن آتیشمهده علیپور گه تیگیشلی قوراللی کیشیلردن ۹ تهسی هلاک و امنیتی کوچلر و تینچ اهالی دن بیرقطاری یرهلنگن.
بیراق، نمایندهلر کینگشی عضوی مهدی راسخ نینگ فسبوک صحیفهسیده یازیشیچه: « میدانوردک پولیس قومندانی رهبرلیگیگه بولگن امنیتی کوچلر تینچ اهالی، آق سقاللر و فرهنگیلرگه قرشی اوق آتگن و یرهلگنلردن بیرقطاری خیابانلرده قالگن و آق سقاللر بیر هوتلده گروگه آلینگن.»
بوتوغریده ملی خوفسیزلیک کینگشی فکرینی آلیش اوچون سعی و حرکت قیلدیک، لیکن موفق بولمهدیک.