تخار یشاوچی‌لری سونگی هفته‌ده طالبان جنگریلری و امنیتی کوچلر آره‌سیده بولگن شدتلی آتیشمه‌لرده گواه بولگنلر. تالقان یشاوچی‌لریدن بیرقطاری نینگ ایتیش‌لریچه، اوتگن بیر هفته جریانیده هیچ‌بیر کیچه آغیر و اینگیل قورال‌لرنینگ سیسی‌نی ییشیتمه‌ی اوتکزگن ایمس‌لر.
تالقان اطرافی‌ده تیریک‌چیلیک قیله‌دیگن مینگلرچه عایله منطقه‌لریده اوروش بولگنی سبب، تالقان شهریده آواره بولگنلر. اولرنینگ جاری وضعیتدن شکایت قیلیب ایتیش‌لریچه، حاضرگه‌قدر هیچ‌قنده‌ی یاردم قولگه کیلتیرمه‌گنلر.
سلام‌وطندار اوزبیک بولیمی‌نی فیسبوک‌ده تعقیب قیلینگ
تخار ولایتی بوییچه مهاجرلر و باش‌پناه ایزلاوچی‌لر ریاستی باشلیغی محمدیاسین لبیب نینگ ایتیشیچه، جای‌سیز بولگن‌لرگه یاردم بیریلماقده، لیکن اوشبو اداره ده آواره بولگن‌لرنینگ بوتون قیینچیلیکلرینی حل قیلیش امکانیتی یوق.
عین‌حالده، تخار پولیس قومندانلیگی سوزلاوچیسی خلیل اسیر نینگ ایتیشیچه، طالبان نینگ تالقان شهری اطرافی‌ده‌گی هجوم‌لری امنیتی کوچلر تامانیدن کیین‌گه اوریلگن.
بیزلرنی توییتر ده تعقیب قیلینگ
شونینگدیک، طالبان جنگریلری اوچ تاماندن فاریاب مرکزی میمنه شهری اوستیگه هجوم قیلگنلر. امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان جنگریلری امنیتی کوچلرنینگ ۳ هاموی تانگی‌نی اوت بیرگن.
بیراق فاریاب پولیس قومندانلیگی سوزلاوچیسی عبدالکریم یورش نینگ ایتیشیچه، طالبان نینگ هجومی امنیتی کوچلر تامانیدن کیین‌گه اوریلگن.
