پاکستان اردوسینینگ اعلام قیلیشیچه، کراچی شهریده جایلشگن حربی بیر پایگاه ده بمب پارتلهتیلیشی و قوراللی هجوم عاقبتیده، اوچ حربی اولیب و باشقه تورت کیشی یرهلنگن.
پاکستان اردوسینینگ بوگون (۷-سرطان/ ۲۸-جون، یکشنبه)، اکس صحیفهسیده بیر بیانیه ترقهتیب و یازیشیچه، هجومچیلر پایگاهگه کیریش قسمیده پارتلش صادر ایتگنیدن کیین اوشبو مرکزگه کیرماقچین بولیب، بیراق خوفسیزلیک کوچلرینینگ عکسالعملی بیلن روپهره بولگن.
بیانیه اساسیده، توقنشوو جریانیده اوچته هجومچی اولیب و باشقه بیرتهسی قولگه آلینگن. پاکستان اردوسینینگ کوپهیتیریشیچه، منطقهنی تازهلش عملیاتی حاضرگچه دوام قیلماقده.
پاکستان اردوسیگه کوره، اوشبو هجوم «جماعتالاحرار» آرقهلی عملگه آشیریلگن.
پاکستان سونگی ییللرده، قوراللی گروهلر هجوملری کوپهیشی اینیقسه بلوچستان و خیبرپشتونخواه ایالتلریده روپهره بولگن دیر.
