سلام‌وطندارنینگ ۲۲ نفر اوغلی اویلنگن آنه بیلن اوتکزگن صحبت‌لری نتیجه‌لریگه کوره، اولردن ۱۵ نفری اوغیللرینی اویلنگنیدن سونگ فرزندلری‌نینگ اعتباری، مهر-محبتی و غمخورلیگی کمه‌یگنیدن شکایت قیلگن. بو آنه‌لر فرزندلری بیلن اوچره‌شولر و حال-احوال سوره‌شلری کمه‌یگنیدن تارتیب، مادی یاردم بیریشلری کمه‌یگنی همده عایله‌وی مناسبت‌لرنینگ اوزگریشیگچه بولگن حالتلر حقیده سوزلب بیریشگن.
خلق‌ارا پولیو گه قرشی کوره‌ش کونی نشانلنه‌یاتگن بیر پیتیده، افغانستان و پاکستان هنوز دنیاده پولیو ویروسی یوق قیلینمه‌گن مملکتلردن حسابلنه‌دی. شو بیلن بیرگه، افغانستان‌ده اوشبو کسللیکه چلینگن باله‌لرنینگ ایریم عایله‌لری فرزندلری طبی خذمت‌لر و تعلیم‌دن فایده‌لنیش امیکانیتیگه ایگه بولیشنی طلب قیلماقده‌لر.
اسلام امیرلیگی سوزلاوچیسی ذبیح‌الله مجاهد، پاکستاندهگی بی‌ثباتلیک‌لرده افغانستان‌نینگ قولی بارلیگی حقیده بو مملکت‌نینگ عیبلاولرینی رد ایتیب، قوشنی مملکت‌ده بی‌ثباتلیک اقتصادیات، اجتماعی و انسانی جهتدن افغانستان گه زیان ییتکزیشینی بیلدیردی.
