اروپا بیرلشمهسینینگ خوفسیزلیک و تشقی سیاست مسئولی و اروپا کمیسیونی باشلیغینینگ اورین باسری کایا کالاس، دنیا بوییچه تورلی مملکتلردهگی اوشبو بیرلشمهنینگ نمایندهلیک هیئتلریده کینگ کولملی اوزگریشلر و ینگی ایلچیلریدن قطارینینگ تعیینلنگنیدن خبر بیرگن که بو آرهده، افغانستان ده اروپا بیرلشمهسی نمایندهلیگیده هم تغییر کیلگن.
اروپا بیرلشمهسینینگ تشقی حرکتلر خذمتینینگ اعلام قیلیشیچه، «نیکولا بلومو» افغانستان اوچون اروپا بیرلشمهسینینگ وقتینچهلیک شارژدافیری صفتیده تعیینلنگن.
نیکولا بلومو، حاضر اروپا بیرلشمهسیده افریقا ایشلری بوییچه باشلیغی صفتیده ایشلب و شونینگدیک بوندن آلدین، روندا ده اروپا بیرلشمهسی ایلچیسی صفتیده ایشلهر ایکن.
شوندهی بیرحالده، افغانستان ده اروپا بیرلشمهسینینگ حاضرگی شارژدافیری ورونیکا بوسکوویچ پوهار، مذکور اوزگریشلر دایرهسیده اوشبو بیرلشمهنینگ ینگی ایلچیسی صفتیده ییتیب تعیینلنگن.
