اسلامی امارت دیپلوماتلری کون اوتیشی بیلن تورلی مملکتلر تامانیدن کوتیب آلینماقده، پاکستان، ترکمنستان؛ قطر و روسیهدن کیین حاضرهم چین مملکتی اسلامی امارت دیپلوماتلرینی قبول قیلگن دیر.
شوندهی بیرحالده، بیرقطار سیاسی بیلرمانلر نینگ ایتیشلریچه، کابلده ایلچیخانهسی فعال بولگن مملکتلر، دیپلوماتیک ایشلری آلغه باریشی اوچون اسلامی امارت دیپلوماتلرینی اوز مملکتلریگه باریشینی قبول قیلگنلر.
اولر نینگ ایتیشلریچه، اوشبو مملکتلر حاضرگچه اوز مملکتلریگه اسلامی امارت ایلچیخانهسینی قبول قیلمهگنلر، اولر نینگ کوپهیتیریشلریچه، ملی و خلقارا ایستکلر، اسلامی امارت تامانیدن عملگه آشیریلمهگونگه قدر رسمیت گه تانیلمسلیکلری ممکن.
بیزلرنینگ فیسبوک صحیفهمیزگه باش اورینگ!
سیاسی ایش بیلرمان و تحلیلچی طارق فرهادی نینگ سلاموطندار گه ایتیشیچه، کابلده ایلچیخانهسی بار مملکتلر تورلی منقطهوی ییغینلرده، اسلامی امارتدن برچه شمول حکومت توزهتیشلرینی طلب قیلگنلر.
جناب فرهادیگه کوره : «بولر ایلچیخانه نینگ بیرینچی، ایکینچی، و اوچینچی درجه گه قرار تاپگن دیپلوماتلرینی اوز مملکتلریگه قبول قیلهدیلر، افغانستانده بوتونلهی اصلاحات کیلمهگونگه قدر، تشقی مملکتلر افغانستان نینگ ایلچیخانهسینی اوز مملکتلریگه قبول قیلمهیدیلر.»
عینحالده، ساسی ایش بیلرمان شجاع معاشر نینگ ایتیشیچه، ۶- صنفدن یوقاری قیز اوقوچیلر یوزیگه مکتبلرایشیگی یاپیق قالگنی، خاتین – قیزلرنینگ اجتماع و حکومت ساختاریده حضور سیزلیگی، دنیا جماعهسی نینگ ایستکلری عملگه آشیریلمهگنینی کورستهدی.
اونینگ کوپهیتیریشیچه، اسلامی امارت دنیا جماعهسی نینگ استکلرینی حاضرگچه قانیقرلی درجهده عملگه آشیرمهگن دیر.
بیزلرنینگ توییترده هم تعقیب قیلینگ!
شوندهی بیرحالده، ساسی ایش بیلرمانلردن باشقه بیری شیردل پاسون نینگ سلاموطندارگه ایتیشیتچه، خلقارا ایستکلر عملی ایتیلمهگنی یانده افغانستان نینگ ایچکی قیینچیلیکلری هم اسلامی امارت نینگ رسمیت گه تانیلیشیگه توسیق بولگن دیر.
او افغانستان نینگ بیرقطار سیاسی شخصیتلری اسلامی امارتنی قبول قیلمهگنلریگه اشاره قیلیب ایتیشیچه، اسلامی امارت سوزلهشو آرقهلی ایچکی قیینچیلیکلرینی حل قیلیشی کیرهک.
ایتیش کیرهک دیر که اسلامی امارت نینگ افغانستانده حاکم بولگنیدن ۸ آی اوتماقده؛ بیراق حاضرگچه هیچ بیر مملکت تامانیدن رسمیت گه تانیلمهگن دیر.