اسلامی امارت تشقی ایشلر وزیرلیگی نینگ سرپرستی امیرخان متقی، بوگون چین‌ده افغانستان قوشنی مملکت‌لری تشقی ایشلر وزیرلری نینگ اوچینچی کون ییغینیده، منطقه اولکه‌لریدن افغانستان اسلامی امارت حکومتی بیلن همکارلیک بولیش‌لرینی طلب قیلدی.
جناب متقی نینگ ایتیشیچه، افغانستان حکومتی، برچه خواهش-ایستک‌لر گه جواب قیتیریش گه متعهد دیر و سیاسی تیزیم مستحکم له‌نیشی اوچون سعی-حرکت قیله‌دیلر. او منطقه ده‌گی قطار مملکت‌لر نینگ خواطری باره‌سیده ایتیشیچه، اسلامی دولت گروهی (داعش) کوپراق یوق ایتیلگن؛ بیراق اونگه کوره، «تأسف بیلن بو گروه خصوصیده چیت ایل‌ده کوپراق تبلیغ بوله‌دی.»
بیزلرنینگ فیسبوک صحیفه‌میزگه باش اورینگ!
اسلامی امارت تشقی ایشلر وزیرلیگی نینگ سوزلاوچیسی عبدالقهار بلخی، اوز توییتری‌ده امیرخان متقی‌دن نقل قیلیب یازیشیچه: «حاضر افغانستان نینگ ینگی حکومتی بیلن همکارلیک قیلیش زمانی کیلگن. ینگی حکومت مستحکم له‌نیشی برچه نینگ اونیمیگه دیر و شونینگدیک کوچ‌سیزلیگی برچه نینگ نقصی‌گه دیر.»
جناب متقی گه کوره، افغانستان نینگ سرمایه‌لری توسیلیب، سیاسی و اقتصادی حقوقی آلینگن، بیراق شو بیلن هم اسلامی امارت، سیاسی، اقتصادی و اجتماعی برچه قیینچیلیک‌لرنی اساسی روشده حل قیلیش اوچون سعی و حرکت قیلماقده دیر.
چین‌ده افغانستان قوشنی مملکت‌لری نینگ تشقی ایشلر وزیرلری اوچینچی ییغینیده اشتراک ایتگن‌لر، افغانستان نینگ ینگی حکومتی بیلن همکارلیک بولیشی اوستیگه تأکید ایتگن‌لر.
انه‌شوحالده، اسلامی امارت سوزلاوچیسی نینگ اورین باسرلریدن بلال کریمی نینگ سلام‌وطندار گه ایتیشیچه، چین‌ده افغانستان قوشنی اولکه‌لری نینگ تشقی ایشلر وزیرلری اوچینچی ییغینی نتیجه بیریشی گه امیدوار دیر. اونینگ کوپه‌یتیریشیچه، بو گَل ییغین‌لر افغانستان و دنیا آره‌سیده‌گی مناسبت‌لرنی اوتمیش‌لر گه نسبتن مستحکم قیلیشی ممکن.
جناب کریمی نینگ ایتیشیچه: «افغان‌لر بیلن همکارلیک قیلیش اوچون اوتکزیله‌دیگن ییغین‌لرده، دیپلوماتیک یول‌لر آچیلیشی اوچون امیداور بولهمیز. اقتصادیات و باشقه ساحه‌لرده‌گی قیینچیلیکلر حلی اوچون زمینه یره‌ته دی.»
اسلامی امارت هیأتی چین گه باریشی گه علاوه، «ترویکا پلس» ییغینیده اقتصاد، بشری بحران قیینچیلیکلری و افغانستان‌ده یره‌تیلگن فرصت‌لر مسئله‌لری بحث گه آلینگن.
بیزلرنینگ توییترده هم تعقیب قیلینگ!
اسلامی امارت تشقی ایشلر وزیرلیگی سوزلاوچیسی نینگ ایتیشیچه، چین، روسیه، آمریکا و باشقه قطار مملکت‌لر، افغانستان‌ده برقرارلیک، اقتصادیات ترقیاتی اوچون مشترک ایشلش گه سوز بیرگن‌لر.
بو عین‌حالده، بوگون افغانستان خلقی گه انسان پرورلیک یاردم‌لر دوامی اوچون، سویس نینگ ژنوا شهری‌ده ییغین اوتکزیلیشی کوتیله‌دی.
