ناتو باش کاتبی ینس استولتنبرگ، آمریکا جمهور رئیسی دونالد ترامپ نینگ اوشبو مملکت حربی‌لرینی افغانستان‌دن چیقیشی خصوصیده قیلگن توییتی‌گه قرشی ایتیشیچه، بو توغریده اوشبو تشکیلات بیلن مصحلت قیلینیشی کیره‌ک.
استولتنبرگ بو صحبت‌لرنی اوتگن “پنجشنبه” کونی بروکسل‌ده ناتو تشکیلاتی نینگ مقریده اوتکزگن خبری ییغین ایتگن.
جناب استولتنبرگ نینگ کوپه‌یتیریشیچه، آمریکا کوچلری نینگ افغانستان‌دن چیقیشی خصوصیده خلق ارا شریک‌لر بیلن مصلحت و ناتو اعضالری بیلن هماهنگ قیلینیشی کیره‌ک.
آمریکا جمهور رئیس دونالد ترامپ، ایکی کون آلدین بیر توییت آرقه‌لی، اوشبو مملکت حربی لرینی کریسمس دن آلدین افغانستان چقاریلیشی نی بیلدیردی.
اوتگن “چهارشنبه” کونی جناب ترامپ نینگ توییتر صحیفه‌سیده یازیشیچه: « افغانستانده خذمت قیله‌دیگن باتور ایرکک و عیال حربی‌لریمیزنی کریمس گه‌قدر اوشبو مملکت‌دن چیقیش‌لری کیره‌ک.»
ینس استولتنبرگ نینگ ایتیشیچه: «بیز بیرگه‌لیکده افغانستانده باریش اوچون قرار قیلدیک، بیز کیله‌جک‌لرده کوچلرنی تنظیم قیلیش خصوصیده قوشمه قرار قیلیشی میز کیره‌ک و مناسب زمانده افغانستان‌نی ترک قیلیشی‌میز ممکن.»
اونینگ کوپه‌یتیریشیچه: «ایس‌دن چیقاریلمه‌سین کیم، ناتو ۱۱ سپتامبر ده آمریکا گه هجوم قیلینگنی سبب، افغانستان‌گه بارگن. افغانستانده بیزیم حضوری‌میز ملی منفعتی‌میز اوچون و اوشبو مملکت‌نی ینه‌بیر مرته تروریسم مرکزی‌گه اوزگرمه‌یشی کیره‌ک.»
ناتو باش کاتبی نینگ تاکید قیلیشیچه، افغانستان نینگ خوفسیزلیگی‌نی دایمی شکلده تامین قیلینیشی آمریکا نینگ منفعتی‌گه دیر و آمریک حربی‌لری نینگ چیقیشی خصوصیده اوشبو تشکیلات نینگ قراری شرایط گه تیگیشلی . او، ناتو تشکیلاتی نینگ افغانستان‌لیکلر ارا سوزلشوولردن حمایت قیلیشی‌نی بیلدیرگن.
ناتو باش کاتبی‌گه کوره، حاضرده اوشبو تشکیلات نینگ ۱۲ مینگ حربی‌سی افغانستانده فعالیت قیله‌دی. اوشبو حربی‌لر کسکین حمایه‌وی کوچلر ماموریتی چارچوبه‌سیده افغانستان امنیتی کوچلریگه مصلحت و تعلیم بیره‌دی.
افغانستان حکومتی حاضرگه‌قدر دونالد ترامپ نینگ صحبتی خصوصیده فکر بیلدیرمه‌گن، بیراق ملی مصالحه کینگشی باشلیغی عبدالله عبدالله اوشبو قرارنی پیامدلی بولیشی ممکن‌لیگی نی بیلدیرگن.
بیراق، طالبان گروهی اوتگن کونی بیر خبرنامه آرقه‌لی، دونالد ترامپ نینگ توییتی‌نی خوش قرشی‌لب و اوشبو قرارنی طالبان گروهی و آمریکا آره‌سیده امضالنگن شرط نامه نینگ عملگه آشیریلیشی اوچون ایجابی حرکت عنوان قیلگن.