Asset 1SWN

صناعت و سوداگرلیک وزیرلیگی: ایران بیلن سوداگرلیک نی کینگه‌یتیریش اوچون سعی‌وحرکت قیلماقده‌میز

Islam Qala2

اسلام امیرلیگی رسمی‌لری، اوتگن ییل‌لر گه نسبتن افغانستان و ایران ارا سوداگرلیک مناسبت‌لر حجمی آشیریلیشیدن خبر بیریب ایتیشلریچه، ایکی تامانلمه سوداگرلیک مناسبت‌لر حجمینی ایکی میلیارد دالردن ۱۰ میلیارد دالر گه آشیریش مقصدیده سعی‌وحرکت قیلماقده‌لر.

صناعت و سوداگرلیک وزیرلیگی سوزلاوچیسی عبدالسلام جواد آخوندزاده نینگ سلام‌وطندار گه ایتیشیچه: «هر ییلی سوداگرلیک حجمی ۲ میلیارد دالر بوله‌دی، بوتوغریده قولی‌لیک یره‌تیش بیلن سوداگرلیک حجمینی ۱۰ میلیارد دالر گه ییتکیزیشیمیز ممکن؛ صناعت و سوداگرلیک وزیری ایران گه قیلگن سفری دایره‌سیده، اوشبو مملکت مسئوللری بیلن اوچره‌شیب، سوداگرلیک و ترانزیت بولیمیده قولی‌لیک یره‌تیلیشی خصوصیده صحبت قیلیب و ایشلر تیزلشتیریلیشینی طلب قیلگن.»

بیزلرنینگ فیسبوک صحیفه‌میزگه باش اورینگ! 

شونینگدیک، تشقی ایشلر وزیرلیگی سوزلاوچیسی نینگ اورین باسری ضیااحمد تکل گه کوره، شنبه کونی، ۲۷ حوت، ایران تشقی ایشلر وزیرلیگی رسمی‌لری بیلن اوتکزیلگن اوچره‌شووده، اولر افغانستان ایکینچیلیک محصولاتی‌ دن برچه تامانلمه حمایت ایتیش‌لریدن ایشانچ بیرگن.

ضیااحمد تکل نینگ ایتیشیچه: «ایران ایلچیسی، افغانستان نینگ میوه و محصولاتینی مناسب نرخ ده ساتیب آلیب و ایکینچیلیک بولیمیده افغان سوداگرلری بیلن همکارلیک قیلیش‌لریدن ایشانچ بیرگنلر.»

عین‌حالده، افغانستان سوداگرلیک و سرمایه یاتقیزیش اتاق اورین باسری خان‌جان الکوزی گه کوره، افغانستان نینگ تولیدی میوه‌لری ایران بازارلری گه یول تاپه آلمه‌یدی؛ چونکه اوشبو میوه‌لر ایران ده موجود دیر.

اونگه کوره: «کان بولیمیده سرمایه یاتقیزسک، کان و خام ماده‌نی ایران گه صادر قیلیش ممکن، یا ده صادرات میزانی کوپه‌یشی اوچون ایکینچیلیک و سوغاریش بولیمیده سرمایه یاتقیزیش کیره‌ک.»

بیزلرنینگ توییترده هم تعقیب قیلینگ!

اقتصادی ایش بیلرمان‌لر، ایران بیلن سوداگرلیک مناسبت‌لر حجمی کینگه‌یتیریلیشی اوچون، تجارت سکتوری ده مسلکی و تجربه‌لی کیشی‌لر استخدام بولیشی کیره‌ک دییشه‌دی.

اقتصادی ایش بیلرمان آمنه هاشمی نینگ ایتیشیچه: «بو پلان عملی بولگن حالده، اقتصادی یخشی یوتوق‌لر گه گواه بوله‌میز، افغانستان منفعتی اوچون اوشبو سوداگرلیک مناسبت‌لردن قنده‌ی استفاده قیلیش و ییترلیچه سیاست گه توشینه‌دیگن مسلکی و ملَکه‌لی کیشی‌لر گه نیاز دیر.»

ایران بیلن سوداگرلیک حجمی آشیریلیشیدن عین‌حالده سوز یوریتیلماقده که، افغانستان سیاسی قینچیلیک باعث جهان بیلن سوداگرلیک مناسبت‌لریده ایریم چیکلاولر بیلن دوچ بولیب و اقتصادی وضعیتی یخشی‌لنیشی مقصدیده، بیر قطار قوشنی و منطقه مملکت‌لر بیلن سوداگرلیک مناسبت‌لرینی کینگه‌یتیریش گه مجبور دیر.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام