صناعت و سودا وزیرلیگی، افغانستان و اوزبیکستان اورتهسیده سودا علاقهلر کنفرانسی، ایکی دولت عملدارلرینینگ اشتراکی بیلن کابلده اوتکزیلگنیدن خبر بیردی.
اوشبو وزیرلیک، بوگون (۳۱ ثور/۲۱ می، پنجشنبه) ایکس صحیفهسیده بیر بیانیه ترقهتیب، سودا علاقهلر کنفرانسی افغانستان و اوزبیکستان اورتهسیدهگی علاقهنی کینگهیتیریش و سودا آلیش-بیریشنی مستحکملش، افغانستانده قوشمه سرمایه کیریتیش اوچون آسانلیک کیلتیریش مقصدیده اوتکزیلگنینی بیلدیرگن.
بیانیه گه کوره، نورالدین عزیزی ایکی مملکت اورتهسیده عملی و اقتصادی همکارلیکلر کینگهیتیریلیشیگه تأکیدلب، افغانستان و اوزبیکستان هر وقتدن کوره حاضر یقینلشگنلرینی معلوم قیلگن.
اوزبیکستان تامانی هم، افغانستانده پخته ایکیشی همده ایپک ایشلب چیقریش اوستیده سرمایه کیریتیش گه تیارلیکلرینی بیلدیریب، بو ساحهده قوشمه سرمایه کیریتیلگن حالده، یوزلب افغانستانلیک ایش بیلن تأمینلنیشینی ایتگن.
صناعت و سودا وزیرلیگی بیانیهسیده، اوزبیکستان هیئتی کابل گه سفری دایرهسیده بلخ و قندوز ولایتلریده توقیمهچیلیک (نساجی) فابریکهلر همده صناعت سکتورینی یقیندن باریب کوریشی قید ایتیلگن.
