بامیان مرکزی و سیغان همده پنجاب تومن‌لری ده بیر میلیون دالرلیک «واترشید» پروژه‌لری نینگ عملگه آشیریش ایشی باشلنگن.
بامیان ده اوشبو پروژه‌لرنی عملگه آشیریش ایشی، شنبه کونی، ۲۰-عقرب، محلی مسئوللر و تطبیق قیلووچی نهاد مسئوللری حضوری بیلن باشلنگن.
واترشید نینگ اوشبو پروژه‌لری، ییر یوزی ده‌گی اوسیم‌لیکلرنی اوستیریش و طبیعی حادثه‌لرنی کمه‌یتیریش مقصدیده، خلق‌ارا «اکشن‌اید» مؤسسه‌سی تامانیدن عملگه آشیریله‌دی.
بیزلرنینگ فیسبوک صحیفه‌میزگه باش اورینگ!
بامیان ده واترشید پروژه‌لری نینگ تطبیق ایتیش ایشی باشله‌نیشی بیلن ۱۱ مینگ ۲۷۶ کیشی ایش بیلن تامینلنه‌دی.
بامیان ده «اکشن‌اید» مؤسسه‌سی نینگ ولایتی مسئولی سید روح‌الله موسوی گه کوره، مذکور پروژه‌لر نینگ تطبیق ایتیش ایشی تیزلیک بیلن یکونلنیب و واترشیدلر فایده‌لنیش گه تاپشیریلیشی ممکن.
بامیان حاکمی نینگ مطبوعاتی دفتری اوشبو ولایت حاکمی عبدالله سرحدی دن نقل قیلیب یازیشیچه: «بامیان ده اکشن‌اید مؤسسه‌سی نینگ پروژه‌لری مهم و حیاتی دیر و بامیان محلی اداره رهبریتی ملی و خلق‌ارا مؤسسه‌لر نینگ عام‌المنفعه ریجه‌لری دن حمایت قیله‌دی. مؤسسه‌لر یاردمی بیلن بامیان یشاوچیلری نینگ قیینچیلیک‌لری و احتیاج‌لرینی حل قیلیش اوچون تلاش قیلماقده.»
بیزلرنینگ «ایکس» ترماغی ده هم تعقیب قیلینگ!
بامیان حاکمی گه کوره، اوشبو ولایت ده امنیت تامینلنگن و مؤسسه‌لردن ترقیاتی و بویوک پروژه‌لرنی عملگه آشیریش اوچون تلاش قیلیش‌لرینی سوره‌یدی.
واترشید، یامغیر یا که قار سووی ییغیلیب و کیین ایسه کانال‌لر گه سووی آقه‌دیگن مکان گه ایتیله‌دی.
ایتیش کیره‌ک، بامیان افغانستان نینگ تاغلی و اوزاق ولایت‌لری دن سنله‌دی، یشاوچیلری کیتمه_کیت قورغاقچیلیک دن شکایت قیلماقده‌لر.
