بیرلشگن ملتلر تشکیلاتی گه کوره، «یورهک کسللیکلری»گه چلینیش خوفینی ساغلام آوقتلنیش، جسمانی فعالیتنی آشیریش، بنگیوار مادهلر همده الکول ایچیملیکلری استعمالینی ترک ایتیش آرقهلی کمهیتیریش ممکنلیگینی ایتگن.
اوشبو تشکیلات، بو حقده ۷ میزان/۲۹ سپتمبر، سهشنبه کونی، بوتون جهان یورهک کونی مناسبتی بیلن ایکس اجتماعی ترماغیده معلوم قیلگن.
جهان ساغلیقنی سقلش تشکیلاتی معلوماتلریگه کوره، یورهک-قان تامیر کسللیکلری دنیاده اولیمنینگ اساسی سببی دیر. مذکور تشکیلاتنینگ ایتیشیچه، میلادی ۲۰۲۲ییلده قریب ۱۹ میلیون ۸۰۰ مینگ کیشی یورهک-قان تامیر کسللیکلری عاقبتیده وفات ایتگن. بو دنیادهگی برچه اولیملرنینگ قریب ۳۲ فایزینی تشکیل قیلهدی.
