بالهلری «سوو چیچک» کسللیگی گه چلینگن پروان، کاپیسا و پنجشیر ولایتلریدهگی قیشلاق یشاوچیلریدن قطاری نینگ سلاموطندار گه ایتیشلریچه، نیچه مدتدن بویان اوشبو کسللیک مذکور ولایت یشاوچیلری آرهسیده کوپهیب و اولر نینگ خواطری گه سبب بولگن.
اولر، اوشبو ولایتلردهگی برچه بالهلر آرهسیده مذکور کسللیک ترقهلیشیدن خواطر بیلدیریب کوپهیتیریشلریچه، حکومت اوشبو کسللیک ترقهلیشی نینگ آلدینی آلیش اوچون، جدی تدبیرلر نینگ قولگه آلیشی کیرهک.
بالهسی مذکور کسللیککه چلینگن پروان یشاوچیسی عبدالقدیر نینگ ایتیشلریچه: «ییتی بالهم بار. سوو چیچک کسللیگی بالهلر اوچون کوپ قیین بیر کسللیک دیر؛ سوولی دانهلر بالهلر نینگ یوزیگه چیقهدی. بو یوقمه کسللیک دیر و بیر بالهدن باشقه بیر باله گه یوقهدی و مکتبلرده مذکور کسللیک یوقیشی کوپ دیر.»
بیزلرنینگ فیسبوک صحیفهمیزگه باش اورینگ!
بالهلری سوو چیچک کسللیگی گه چلینگن پنجشیر یشاوچیسی قدریه نینگ ایتیشیچه: «ایکی بالهم اوشبو کسللیککه چیلنگن ایدی، کسلخانهده بستر بولدی. حاضر ساغهیگن دیر. کوپ قیینچیلیک چیکدیلر. کوپ یامان بیر کسللیک دیر. ایستمهلری بار ایدی، ریزش، باغیز آغریق ایدیلر و تنلری گه دانه چیقهر ایدی. پنجشیر ساغلیق نی سقلش ریاستیدن بو کسللیک آلدی آلینیشی و اهالی گه معلومات بیریلیشی نی ایستهیدیلر.»
شوندهی بیرحالده، عایله اعضالری سوو چیچک کسللیگی گه چلینگن کاپیسا و پنجشیر یشاوچیلری سیدانس و شاداب نینگ ایتیشلریچه، بو کسللیک جودهیم یامان کسللیک دیر و اولر اوزلری نینگ اوشبو کسللیککه چلینیشدن هم خواطردهلر. اولر مذکور ایکی ولایتده ساغلیقنی سقلش ریاستی مسئوللریدن، بو کسللیک کوپهیشی آلدی آلینیشی اوچون، حل یول تاپیلیشی نی ایستهگنلر.
سیدانس نینگ کوپهیتیریشیچه: «اکهم، سوو چیچک کسللیگی گه چلینگن و حتا ییغلهیدی. اوچ مرته شفاکار یانیگه آلیب باردیم، صنفداشلریدن یوقگن دیر. ساغلیقنی سقلش ریاستیدن اوشبو کسللیک آلدی آلینیشی نی ایستهیمیز.»
شونینگدیک شاداب نینگ کوپهیتیریشیچه: «جودهیم خوفلی بیر کسللیک دیر. انسان نینگ یوزی گه دانه چیقگنیده افسرده قیلهدی. اوشبو کسللیککه چلینگن کیشی مکتب بارگنی صورتده، چیچکلی دیب چقریلهدیلر.»
عین حالده، پروان ساغلیقنی سقلش ریاستی نینگ یوقمه کسللیکلر بولیمی مسئولی، سیدحسین سیر، پنجشیر ساغلیقنی سقلش ریاستی اورینباسری خواجهآقا غفوری و کاپیسا ساغلیقنی سقلش ریاستی نینگ میدیالر بولیمی مسئولی لالاگل قادری، اوشبو کسللیککه چلینگنلر سانی کوپهیگنی نی تصدیقلب سلاموطندار گه ایتیشلریچه، مذکور کسللیک کوپهیشی آلدی آلینیشی اوچون، چاره-تدبیرلر نی قولگه آلگنلر.
سیدحسین سیر نینگ ایتیشیچه: «پروان ولایتی بویلب، سوو چیچک واقعهلری کوپهیگن. ساغلیقنی سقلش ریاستی بو توغریده ساحه گه باریب و کسل نینگ یقیندن کوریش اوچون تیملری بار؛ تنلری مقاومتی نی آشیریش اوچون دارو توصیه بولهدی.»
بیزلرنینگ «ایکس» ترماغی ده هم تعقیب قیلینگ!
خواجهآقا غفوری نینگ ایتیشیچه: «پنجشر ولایتیده سوو چیلیچم کسللیگیدن ۷۷ واقعهنیز بار. بو کبی کسللیککه چلینگنلری صورتده، تیزللیکه ساغلیق مرکزلر گه مراجعت قیلیشلری کیرهک؛ ساغلیق مرکزلریمیزده ییترلیچه دارومیز بار.»
شونینگدیک لالاگل قادری نینگ ایتیشیچه: «کاپیسا ولایتیده ییل نینگ باشلگنیدن حاضرگچه، سوو چیچک کسللیگی گه چلینگن واقعهمیز بار ایدی.»
شفاکارلر نینگ ایشانچی گه کوره، سوو چیچک کسللیگی گه چلینگنلر سانی کوپهیگنی سبب، عایله اعضاسی آرهسیده میراثی شکلده بولیشی، انسان نینگ تنی مقاومتی ضعیفلیگی، ناسالم آوقتلنیش و نظافت نینگ رعایت بولمهسلیگی دیر. اولر گه کوره، اوشبو کسللیک وقایهسی اوچون اهالی نینگ بیلیم سطحی یوقاری کیلمهگنی صورتده، مذکور کسللیک نینگ کوپراق ترقهلیشی ممکن.