ایران امریکا گه هرمز بوغوزینی کیمهلر حرکتی اوچون آچیش و اوروشنی یکونلش بوییچه ینگی تکلیف یوباردی.
ییتکرمهلرنینگ معلوماتلریگه کوره، اوشبو تکلیف پاکستان واسطهچیلری آرقهلی ییتکزیلگن. اونده اوزاق مدتلی آتیش کیسیننی اوزهیتیریش یا کی اوروشنی تولیق توگهتیش بوییچه کیلیشوو توزیش نظرده توتیلگن.
ایران تکلیفیده، بو مملکت یدراو (هسته) دستوری بوییچه مذاکرهلرنی کیینراق مدت گه قالدیریلیشی قید ایتیلگن.
معلوماتلر گه کوره، امریکا تامانی تکلیفنی قبول قیلیب آلگن، بیراق اونگه قندهی جواب بیریلیشی حاضرچه نامعلوم.
بوگون (۷ ثور/۲۷ اپریل، دوشنبه) دونالد ترامپ آق اویده ایران مسئلهسی بوییچه ییغیلیش اوتکزیشی کوتیلهدی. اونده مذاکرهلردهگی قیینچیلیک و واشنگتننینگ کیینگی قدملری محاکمه قیلینیشی کوتیلهدی.
