ننگرهار بیلیم یورتیده خلقارا «اقلیم اوزگریشی» ییغیلیشی نینگ ایکینچی کونیده، بو ییغیلیش گه شرکت قیلگنلردن قطاری علمی و تحقیقی مقالهلری نی ارائه قیلگنلر. بو مقالهلرده هوا اوزگریشی نینگ اصلی عامللری، اونینگ عاقبتلری و هوا اوزگریشی آلدی آلنیشی خصوصیده صحبت قیلینگن.
ننگرهار بیلیم یورتیده اقلیم اوزگریشی ییغیلیشی گه شرکت قیلگنلردن قطاری، دنیا دن اقلیم اوزگریشی سلبی عاقبتلری آلدی آلینیشی اوچون افغانستان بیلن همکارلیک قیلیشلری نی ایستهگنلر.
بیزلرنینگ فیسبوک صحیفهمیزگه باش اورینگ!
مذکور ییغیلیش گه شرکت قیلگنلردن بیری و لغمان بیلیم یورتی باشلیغی ویسالهادی اوریاخیل نینگ ایتیشیچه، افغانستان هوا اوزگریشیدن کوپراق متاثر بولگن مملکتلردن بیری بولیب و بو کبی ییغیلیشلر نینگ یولگه قوییلیشی مملکتلر توجهسی نی جلب قیلیش خصوصیده یاردم بیرهدی.
اونینگ کوپهیتیریشیچه: «بو کبی ییغیلیشلر اونملی دیر. بو ییل افغانستان یامغیر کملیگی بیلن روپهره ایدی و افغانستان سوو ذخیره قیله آلمهدی و بو کبی فعالیتلر نینگ کوپهیشی افغانستان دولتی اوچون فایدهلی دیر.»
شوندهی بیرحالده، ننگرهار بیلیم یورتی نینگ مطبوعاتی مسئولی فضل ناگار نینگ ایتیشیچه، اقلیم اوزگریشی ییغیلیشی نینگ ایکینچی کونیده، شرکت قیلگنلردن قطاری ۱۰۰ مقاله تیار قیلگنلر.
اونینگ سلاموطندار گه ایتیشیچه، بو مقالهلر نینگ ارائه قیلگنلردن، ۱۱ تهسی تشقی بیلیم یورتلر اوقیتووچیلری دیر. «ایکینچی کونده ۱۰۰ تشقی و ایچکی تدقیقاتچی، ۶ سالونده ۱۰۰ مقاله نی ارائه قیلگنلر که، بو پروسه ساعت ۱۱ ده یکونلندی و بو گروه آرهسیده ۱۱ ته تشقی اوقیتووچی هم شامل دیر.»
شوندهی بیرحالده، ننگرهار بیلیم یورتی نینگ ساینس فاکولتهسی باشلیغی محمدجواد نیازی نینگ ایتیشیچه، بو ییغیلیش اقلیم اوزگریشی سلبی عاقبتلری گه قرشی کورهش اوچون یولگه قوییلیب و بو ییغیلیش گه شرکت قیلگنلر مقالهلری یولی آرقهلی، هوا اوزگریشی سلبی عاقبتلری گه قرشی کورهش خصوصیده حل یوللر نی اسلام امیرلیگی گه پیشنهاد بیرگنلر.
بیزلرنینگ «ایکس» ترماغی ده هم تعقیب قیلینگ!
نیازی نینگ کوپهیتیریشیچه: «بو تدقیقات و مقالهلر نینگ نتیجهلری نی اسلام امیرلیگی گه ارائه قیلیشیمیز ممکن. مقالهلرده قوراللر و گلخانهیی اثرلر گازلر و توپلم شکلده اقلیم اوزگریشی سببلری خصوصیده بحث ایتیلگن.»
ایتیش کیرهک که، افغانستان اقلیم اوزگریشی سلبی عاقبتلری بیلن روپهره بولگن مملکتلردن بیری دیر.