ساغلیک وزیرلیگی سوزلاوچیسی میرویس علیزی نینگ سلاموطندارگه ایتیشیچه، اوتگن بیر آیده کرونا نینگ ایجابی واقعهلری کابل و باشقه ولایتلر جملهدن ننگرهار و هملند ده کوپهیگن.
جناب علیزی گه کوره، اوتگن آیلرده کونده کرونا نینگ ۳۰ ایجابی واقعهسی قید ایتیلهدی ایدی، بیراق حاضر ۶۰ واقعه گه ییتیشگن.
ساغلیک وزیرلیگی سوزلاوچیسی نینگ ایتیشیچه، کرونا نینگ ایجابی واقعهلری مملکتده کوپهیگن بیرحالده، بیراق یشاوچیلر ساغلیک وزیرلیگی نینگ ایستهکلری و توصیهلری جملهدن ماسک دن قوللهنیش و قوللرنی سوو و صابون بیلن اوییش گه توجه قیلمهیدی.
شوندهی بیرحالده، کرونا نینگ ایجابی واقعهلری دنیا ده اینیقسه آمریکا و هندوستان ده کونسایین کوپهیماقده و شونینگدیک ینگیلیکده ایران و پاکستان ده هم کرونا ویروس گه چلینگنلر سانی یوقاری کیتگن.
ساغلیک وزیرلیگی نینگ ایتیشیچه، ۱۸ دن یوقاری بولگن کیشیلرنینگ واکسین قیلیش پروسهسی باشلنگن که بو دولتی کسلخانهلردن کوپینچهسیده عمل گه آشیریلهدی.