افغانستان گه بیرلشگن ملتلر تشکیلاتی نینگ اورین باسری آمنه محمد ییتکچیلیگیده اوشبو تشکیلات یوقاری مرتبه‌لی هیئتی، مملکت ده خاتین قیزلر وضعیتی و انسانی بحران دن خواطر بیلدیریب، تورت کون‌لیک سفری گه یکون بیردی.
مذکور هیأت نینگ مطبوعاتی بیانیه‌سیده کیلیشیچه، افغانستان ده خاتین قیزلر حقوقی وضعیتی بحرانلی دیر و اوشبو مملکت نینگ ۲۵ میلیون فقراسی انسان پرورلیک یاردم گه نیازمند دیر.
بیانیه ده کیلیشیچه:«افغانستان ده‌گی وضعیت، خاتین قیزلر و دنیا همجمعیت اوچون آغیر تمام بولیشی ممکن. خاتین قیزلر نینگ حقوقی گه دایر سونگی نیچه دهه یوتوق‌لر، نیچه کون ایچیده یوق بولماقده‌لیگی سیزیله‌دی. بیرلشگن ملتلر تشکیلاتی و شریک‌لری، جمله دن ملی و خلق‌ارا نادولتی تشکیلات‌لر، افغانستان نینگ ۲۵ میلیون دن آرتیق اهالیسی گه یاردم بیرماقده‌لر، اولر اوز یاردملری گه دوام بیریش گه متعهد دیر.»
بیزلرنینگ فیسبوک صحیفه‌میزگه باش اورینگ!
مذکور هیأت سفری یکونی دن کیین و افغانستان نینگ حاضرگی وضعیتیدن خواطر بیلدیریلماقده ایکن، بیرلشگن ملتلر تشکیلاتی نینگ انسان پرورلیک یاردم‌لرینی هماهنگ قیلووچی دفتر یا اوچا اوز توییتری ده یازیشیچه، اوتگن بیش ییل گه نسبتن افغانستان ده قشاق‌لر سانی ۳۵۰ فایز کوپه‌یگن. اوچا گه کوره، اقتصادی تنزل، آب‌وهوا اوزگریشی، آچرچیلیک و اوروش عاقبت‌لری، افغانستان ده قشاق‌لر سانی کوپه‌یش عاملی دییلگن.
عین‌حالده، بیلیم یورت اوقیتووچیسی و اقتصادی ایش بیلرمان بهمن یوسفی گه کوره، مملکت ده اقتصادی تیزیم قولشی، برچه ساحه‌لر اوستیگه سلبی تأثیر قیلگن، حکومت و دنیا همجمعیت بوتوغریده دقت قیلمه‌گن تقدیرده، وضعیت آغیرلشی ممکن.
اونینگ سلام‌وطندار گه ایتیشیچه: «اقتصادی تیزیم قولشی، افغانستان بوتون خلقی نینگ تیریکچیلیگی اوستیگه سلبی تأثیر قیله‌دی. دولت و دنیا همجمعیت بوتوغریده دقتلی بولیش‌لری کیره‌ک. فاجعه کولمی کوپ بولمسلیک سببی، انسان پرورلیک یاردم‌لر دوام ایتیشی و یشاوچیلر اوز ذخیره ماده‌لرینی مصرف قیلیش دیر.»
حاضرگی شرایط ده برچه بحران‌لر گه علاوه آب‌وهوا و اطراف_محیط اوزگریشی، افغانستان یشاوچیلرینی تهدید قیلماقده. موجود معلومات اساسیده، سونگی ساووق‌لر باعث ۸۰ دن آرتیق کیشی قربان بولگن.
باشقه تاماندن، یشش محیط ایش بیلرمانی باسط رحمانی نینگ ایتیشیچه، حاضر آب‌وهوا غیرطبیعی شکلده اوزگرماقده دیر.
اونگه کوره: «حاضر آب‌وهوا غیرطبیعی شکلده اوزگرماقده دیر. افغانستان اقتصادی، فرهنگی و اجتماعی لحاظ دن اونچه‌لیک ترقی قیلمه‌گن و امکانیتیمیز آز دیر.»
بیزلرنینگ توییترده هم تعقیب قیلینگ!
شو بیلن بیرگه، خلق‌ارا رابطه‌لر استادی محبوب محق گه کوره، دنیا همجمعیت نینگ خواطرلری جدی دیر، اسلام امیرلیگی عیاللر نینگ ایشی توخته‌تیلیش قرارینی قیته کوریب چیقمه‌گن تقدیرده، انسان پرورلیک یاردم‌لر کمه‌یب و دنیا همجمعیت اسلام امیرلیگینی رسمیت گه تانیمه‌یدی.
محبوب محق نینگ ایتیشیچه: «تأسف بیلن خواطرلر جدی دیر. خلق‌ارا تشکیلات‌لر اوز فعالیت‌لرینی کمه‌یتیریش‌لری ممکن. اوشبو وضعیت عاقبتی افغانستان خلقی اوچون آغیر تمام بولیشی ممکن و شونینگدیک دنیا همجمعیت اسلام امیرلیگینی رسمیت گه تانیمه‌یدی.»
ایتیش کیره‌ک که، افغانستان گه بیرلشگن ملتلر تشکیلاتی هیأتی سفری بیلن، قشاق‌لیک و یشش محیط بحرانی حاضر هم اولکه یشاوچیلری اوچون کتته تهدید سنله‌دی.
