بیرلشگن ملت‌لر تشکیلاتی و خلق‌ارا نهادلر عیاللر گه ایش گه باریش و طلبه قیزلر گه تعلیم رخصتی بیریلیشی اوچون سعی و حرکت قیلماقده ایکن، اسلام امیرلیگی گه کوره، خاتین قیزلر گه اسلام قاعده‌لری اساسیده ایش و تعلیم حقی بیریلیشی ممکن.
اوتگن هفته‌لرده، افغانستان اوچون بیرلشگن ملت‌لر تشکیلاتی مخصوص اورین باسری مارکس پوتزل اسلام امیرلیگی سیاسی رسمی‌لری بیلن بولگن علیحده اوچره‌شووی ده، مملکت ده انسانی فاجعه آلدی آلینیشی اوچون عیاللر گه ایش گه باریش و طلبه قیزلر گه تعلیم رخصتی بیریلیشی اوستیگه تأکید ایتیلگن.
بیلیم یورت اوقیتووچیسی دکتر محمداکرم عارفی گه کوره، افغانستان ده عیاللر گه یره‌تیلگن چیکلاولر بیکار قیلینیشی اوچون بیرلشگن ملت‌لر تشکیلاتی نینگ سعی و حرکت‌لری حاضرگچه ایجابی نتیجه بیرمه‌گن.
بیزلرنینگ فیسبوک صحیفه‌میزگه باش اورینگ!
اونینگ سلام‌وطندار گه ایتیشیچه: «بیرلشگن ملت‌لر تشکیلاتی نینگ سونگی سعی و حرکت‌لری و اولر نینگ اسلام امیرلیگی رهبرلری بیلن ملاقات‌لری هلیگچه ایجابی نتیجه بیرگن یوق. بیراق اوشبو قیینچیلیکلر حلی اوچون اسلام امیرلیگی قطار رسمی‌لری نینگ بیاناتی گه اشاره قیلیش ممکن، اولر اوز قرارلرینی بیکار قیلمه‌گن تقدیرده، اسلام امیرلیگینی رسمیت گه تانیش کیینگه قاله‌دی.»
باشقه تاماندن، بیلیم یورت اوقیتووچیسی محبوب محقق نینگ ایتیشیچه، اسلام امیرلیگی سونگی قرارلرینی قیته کوریب چیقمه‌گن حالده، اسلام امیرلیگی هیچ بیر مملکت تامانیدن رسمیت گه تانیلمه‌یدی.
اونگه کوره: «اسلام امیرلیگی عیاللر گه دایر سونگی قرارلرینی بیکار قیلمه‌گن حالده، نه‌فقط رسمیت گه تانیلمه‌یدی، بلکه بیرلشگن ملت‌لر تشکیلاتی افغانستان ده‌گی دفترینی باغله‌یدی.»
شونینگدیک خلق‌ارا مناسبت‌لر تدقیقاتچیسی سید شفیق‌الله سادات نینگ کوپه‌یتیریشیچه، اسلام امیرلیگی عیاللر گه یره‌تگن چیکلاولرنی بیکار قیلمه‌گن تقدیرده، اهالی و هم حکومت زیان کوریشی ممکن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «اسلام امیرلیگی نینگ سونگی قرارلری سیاسی عاقبتی شو که، اولرنی رسمیت گه تانیشنی مرکب لشتیرگن. حتا اسلام امیرلیگی رسمی ایمسلیگی اوچون چین بیلن امضالنگن قرارداد تنقید ایتیلماقده.»
ایتیش کیره‌ک که، اسلام امیرلیگی تامانیدن عیاللر گه ایش گه باریش و طلبه قیزلر نینگ تعلیمی توخته‌تیلیشی دن کیین، بیرلشگن ملت‌لر تشکیلاتی و باشقه خلق‌ارا نهادلردن قطاری، اوشبو چیکلاولر بیکار قیلینیشی مقصدیده تورلی یوللر جمله دن انسان پرولیک یاردم‌لرنی کیسیش و اوچره‌شوولر بیلن، اسلام امیرلیگینی قانیقتیریش اوچون سعی و حرکت قیلماقده‌لر.
