بیرلشگن ملتلر تشکیلاتی نینگ جندر تینگلیگی و عیاللر امکانیت‌لرینی کینگه‌یتیریش نهادی گه کوره، افغانستان ده آواره‌لر نینگ کوپینی عیاللر تشکیل بیره‌دی.
مذکور نهاد نینگ ایتیشیچه، آواره عیاللر وقتینچه‌لیک مکان‌لرده کتته خطرلر بیلن روپه‌ره دیر. بیرلشگن ملتلر تشکیلاتی عیاللر دیپارتمنتی، سه‌شنبه کونی، ۲۲ قوس، اوز توییتری ده، افغانستان ده آلتی میلیون کیشی آچرچیلیک دن بیر قدم اوزاق ده دیر دیب یازگن.
اوشبو نهاد گه کوره، حاضرگی انقراضلی شرایط ده افغان خاتین قیزلری باشقه‌لر گه نسبتن محروم دیر.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی عیاللر دیپارتمنتی نینگ ایتیشیچه: «خاتین قیزلر ایش اوچون توسقین‌لیککه دوچ بولیش‌لری گه قوشیمچه، آزیق_آوقات، سوو، باش پنه و طبی امکانیت‌لردن فایده لنه آلمه‌یدیلر.»
مذکور تشکیلات نینگ ایتیشیچه، چیکلاولر گه علاوه عایله نینگ باشقه اعضالری عیاللردن فدکارلیک قیلیشنی کوتماقده‌لر.
اوشبو نهاد نینگ کوپه‌یتیریشیچه، افغانستانده عیاللر آزیق_آوقات ساتیب آلیش اوچون اوز مال_ملکینی ساتیش گه مجبور دیر؛ حتا قیین وقت‌لرده عایله‌لر قیزلرینی تورموش گه چیقریش اوچون ساتیشگه مجبور دیر.
بیزلرنینگ توییترده هم تعقیب قیلینگ!
بیرلشگن ملتلر تشکیلاتی عیاللر دیپارتمنتی گه کوره، خاتین‌لر نینگ سوادی پست لیگی باعث، اولردن کوپی نینگ کیم‌لیگی یوق، بو ایش اولر نینگ مهم خدمت‌لر جمله دن انسان پرورلیک یاردم‌لردن اوزاق قالیشیگه سبب بولگن.
گزارش‌لر اساسیده، حاضر افغانستان جمعیتی نینگ یریمی دن کوپی یاردم گه محتاج دیر.
