اطراف-محیط نی سقلش ملی اداره مسئوللری، بوگون (دوشنبه، ۱۵-عقرب)، «خلقارا اقلیم اوزگریشی هفته‌سی مناسبتی بیلن اقلیم اوزگریشی بوییچه ولایتی بحث‌لر» اسمی آستیده کابل ده یولگه قوییلگن بیر برنامه‌ده، افغانستان نینگ اقلیم اوزگریشی بوییچه ۲۸-ییغیلیش گه دعوت بولمه‌گنی‌دن خواطر بیلدیریب ایتیشلریچه، اوشبو ییغیلیش‌ده اطراف-محیط نی سقلش ملی اداره‌سیدن بیر نماینده نینگ دعوت بولیشی کیره‌ک.
مذکور برنامه‌ده اطراف-محیط نی سقلش ملی اداره‌سی نینگ ملی و اداری معینی عبدالسلام حقانی نینگ ایتیشیچه، افغانستان گل‌خانه‌یی گازلر ایشلب چیقریلیشی‌ده آز سهمی بار؛ بیراق بو توغریده کوپراق تأثیر کورگن. اونینگ کوپه‌یتیریشیچه، گل‌خانه‌یی گازلر نینگ ایشلب چیقره‌دیگن مملکت‌لر، افغانستان گه غرامت تولشی کیره‌ک.
بیزلرنینگ فیسبوک صحیفه‌میزگه باش اورینگ!
عبدالسلام حقانی نینگ اورغولشیچه: «افغانستان اقلیم اوزگریشی خصوصیده اونچه‌لیک نقشی یوق، گل‌خانه‌یی گازلر نینگ ایشلب چیقیریش خصوصیده نقشی بولگن مملکت‌لر، افغانستان گه غرامت تولشی کیره‌ک و خلقارا اقلیم اوزگریشی ییغیلیش‌ده افغانستان دن هم بیر نماینده نینگ دعوت بولیشی کیره‌ک. بو ییغیلیش‌ده اقلیمی اوزگریشی عاقبتلری و قیین‌چیلیک‌لری نینگ ییتیشتیریش اوچون بیزلر نینگ شرکت قیلیشی‌میز اونملی دیر.»
اطراف-محیط نی سقلش ملی اداره‌سیده مسئوللر، قوروق‌چیلیک و سوو تاشقین‌لر نینگ افغانستان ده اقلیم اوزگریشی نینگ اصلی عامل‌لریدن عنوان قیلیب و ایتیشیچه، حاضر ایسه افغانستان ده ۲۱ میلیون کیشی، ایچیم‌لیک سوو کم‌لیگی بیلن روپه‌ره بولگن دیر.
شونده‌ی بیرحالده، افغانستان ده بیرلشگن ملت‌لر تشکیلاتی نینگ اورین‌باسرلیک هیئت دفتری مسئوللری (یوناما) نینگ ایتیشلریچه، اوشبو نهاد اوتگن ایکی ییل‌ده افغانستان ده هوا اوزگریشی عاقبتلری گه متوجه بولیب و اونینگ عاقبتی حقیده خواطرلر نینگ یوقاری سطح‌لرده بیرلشگن ملت‌لر تشکیلاتی‌ده بیان قیلگن.
یوناما مرکزی حوزه‌سی نینگ سیاسی مدیری ایوا دانوتا سیتکوسکا گه کوره، دنیا نینگ ینگی قیین‌چیلیک‌لر گه روپه‌ره بولیشی بیلن، مذکور نهاد بودجه کم‌لیگی گه روپه‌ره بولگن.
اونینگ ایتیشیچه: «دنیا جماعه‌سی هر نرسه توانی‌ده بولسه، افغانستان اهالی‌سیدن حمایت قیلیش گه دوام بیره‌دی. یوناما دوام‌لی شکلده اقلیم اوزگریشی قرشی‌سیده ظرفیت یره‌تیش اوچون اوز داد‌خواهلیگی دوامی‌ده، عاجل و حتمی بیر نیاز دیر، دفاع و حمایت قیلدیک و اقلیم اوزگریشی عاقبتی‌دن افغانستان خواطرلری نی یوقاری سطح‌لرده بیان قیلدیک.»
عین حالده، انسانی یاردم‌لر و اطراف-محیط نی کوچلنتیریش مؤسسه‌سی، بوگون کابل ده دنیا ده هوا اوزگریشی بحرانی و اونینگ افغانستان ده عاقبتلری خصوصیده ولایتی اوچره‌شوو نی یولگه قویگن.
بیزلرنینگ «ایکس» ترماغی ده هم تعقیب قیلینگ!
اوشبو نهاد باشلیغی محمدیوسف حمیدیان نینگ ایتیشیچه، مملکت نینگ بیر قطار بولیم‌لریده معلومات بیریش کمپاین‌لرینی یولگه قوییگنلر. «بو برنامه‌میزدن مقصد، اقلیمی اوزگریشلر و حل یول تاپیش خصوصیده بحث و صحبت دیر و تورلی کمپاین‌لر نی هرات، قندهار، بلخ، بامیان و ننگرهار ده یولگه قویگن‌میز.»
بیرلشگن ملت‌لر تشکیلاتی‌ده هوا اوزگریشی کنوانسیونی‌ده افغانستان عضویتی‌ده ۱۹۹۲-ییل جون آیی‌ده امضا و ۲۰۰۲-ییل سپتمبر آیی‌ده تصویب بولگن دیر و مذکور وقت‌دن باشلنیب اسلام امیر‌لیگی حاکمیتی‌دن آلدین گه قدر، افغانستان نماینده‌سی اونگه شرکت قیله‌ر ایدی.
ایتیش کیره‌ک که، «کاپ۲۸» گه موسوم بیرلشگن ملت‌لر تشکیلاتی نینگ ۲۸-هوا اوزگریشی کنوانسیونی، بو ییل ۳۰-نوامبر دبی ده بیرلشگن عرب امیرلیک‌لری میزبانلیگی بیلن یولگه قوییلیشی ممکن؛ بیراق اوتگن ایکی ییل‌ده افغانستان هیچ بیر نماینده اوشبو ییغیلیش گه دعوت بولمه‌گن.
