بغلان ولایتی نینگ تاله‌وبرفک تومنیده بیر تاش کومیر کانی ایشلاوچی‌لریدن بیرقطاری نینگ ایتیش‌لریچه، ایکی کون آلدین ناتانیش قوراللی کیشی‌لر اوشبو کان ایشلاوچی‌لریدن ایکی ته‌سینی اوققه توتگن و نتیجه‌ده مذکور ایشلاوچی‌لردن بیر ته‌سی هلاک و باشقه بیر ته‌سی یره‌لنگن.
کان ایشلاوچیلر نینگ ایتیش‌لریچه، ناتانیش قوراللی کیشی‌لر مذکور کان نینگ هزاره ایشلاوچی‌لرینی اوققه توتگنلر و اوققه توتیلگن کیشی‌لر بامیان و دایکندی ولایت‌لری نینگ ورس و شهرستان تومن‌لری یشاوچی‌لریدن ایکنلر.
مذکور کان ایشلاوچی‌لریدن بیری نینگ کیم‌لیگی سیر قالیشی‌نی ایسته‌ب سلام‌وطندارگه ایتیشیچه، اوشبو واقعه‌دن سونگ، بغلان، بامیان، دایکندی، بلخ، پروان و کابل ولایت‌لری یشاوچی‌لریدن کمیده ۵۰۰ ته‌سی ناتانیش قوراللی کیشی‌لرنینگ تهدیدلری باعث، ایشلرینی ترک قیلیب اوز ولایت‌لریگه کیتگنلر.
اونینگ کوپه‌یتیریشیچه، بامیان‌لیک ایشلاوچیلر اسلامی امارت کوچلریدن کهمرد تومنی نینگ «دو‌آب» منطقه‌سیگچه اولرنینگ خوفسیزلیکلرینی تامین‌لشینی ایسته‌گنلر، بیراق اسلامی امارت کوچلری اولر نینگ ایستکلریگه دقت قیلمه‌گن.
شونینگدیک، تاله‌وبرفک تومنیده تاش کومیر کانی مسئوللریدن بیر محمد (مستعار آت) نینگ ایتیشیچه، اوشبو کان ایشلاوچی‌لریدن ایکی ته‌سی ناتانیش قوراللی کیشی‌لر تامانیدن هجوم آستیگه قرار بیریلگنیدن سونگ، بو کان ایشلاوچی‌لریدن کمیده ۳۰۰ ته‌سی امنیتی تهدیدلر سبب، ایشلرینی قوییب اوی‌لریگه کیتگنلر.
تاله‌وبرفک تومنیده تاش کومیر کانی ایشلاوچی‌لریدن بیری غلام ایشی‌نی ترک قیلگن. اونینگ ایتیشیچه، ایش‌سیزلیک و کم‌بغللیک سبب، او و باشقه یوزلرچه کیشی تاش کامیر کانیده ایش‌لشنی قبول قیلگنلر و بو ایش ده ۹۵% اولیم خطری بار دیر.
غلام‌حسن، دایکندی ولایتیدن دیر. اونینگ کوپلب قیغو بیلن ایتیشیچه، نیچه آی‌دن بویان بو کان ده ایشله‌یدی، لیکن اوشبو مدت‌ده آز پول توپله‌گن و اوی‌گه هم کیته آلمه‌یدی؛ چونکه ذخیره قیلگن پول بیلن یالغیز عایله خرجتی‌نی تامین قیله آله‌دی.
بوتوغریده اسلامی امارت مسئوللری فکرینی آلیش اوچون سعی و حرکت قیلدیک، بیراق موفق بولمه‌دیک.
شونینگدیک، بامیان پولیس قومندانی مولوی صدیق‌الله شاهین مسافر، یوز بیرگن حادثه خصوصیده فکر بیلدیرمه‌گن. اونینگ ایتیشیچه، حاضرگه‌قدر بوتوغریده هیچ‌بیر گزارش قولگه کیلتیرمه‌گنلر.
مملکت ده ایش‌سیزلیک و کم‌بغللیک رقمی یوقاری کیتگن حالده، بغلان ولایتی نینگ تاله‌وبرفک تومنیده تاش کامیر ایشلاوچی‌لریدن کوپ قطاری ناتانیش قوراللی کیشی‌لرنینگ تهدیدی سبب، ایشلرینی قولدن بیریب اوی لریگه قیتگنلر.
