هرات ولایتی بوییچه ساغلیق‌نی سقلش ریاستی سوزلاوچیسی محمدرفیق شیرزی نینگ سلام‌وطندارگه ایتیشیچه، قیش موسومی کیلیشی بیلن اوشبو ولایتده گاز و تاش‌کومیر توتگن کیشی‌لر رقمی کوپه‌یگن.
جناب شیرزی نینگ کوپه‌یتیریشیچه، اوتگن ۱ آیده هرکون ۵ الی ۱۰ کیشی گاز و تاش‌کومیر توتگنی باعث، دولتی و خصوصی کسل‌خانه‌لرگه انتقال بیریلگن و مذکور کیشی‌لردن ۳ ته‌سی اولیب و قالگن‌لری مداوا دن کیین کسل‌خانه‌دن رخصت ایتیلگن.
هرات ولایتی ساغلیق ریاستی باشلیغی نینگ سوزلاوچیسی، خلق دن گاز توتیش اونگی نی آلیش اوچون ایمنی دستورلرنی مراعات قیلیش‌لرینی سوره‌گن.
هرات ولایتی حوزه‌وی کسل‌خانه‌سی عاجل بولیمی نینگ مسؤلی فرهاد افضلی سلام‌وطندار گه ایتیشیچه، قیش فصلی ییتیب کیلگنی و هوا سویگنی باعث ۱۴ کیشی نی گاز توتگن و اوشبو کیشی‌لر کسل‌خانه نینگ عاجل بولیمیده درمان لنگن، لیکن گاز توتگن ۱۴ کیشی دن ۳ ته‌سی جان بیرگن.
جناب افضلی گه کوره، عایله‌لر توجه سیزلیگی باعث گاز و تاش‌کومیر توته‌دی و بیر قطار عایله یاته‌دیگن زمانده گازنی اوچیرمه‌یدیلر.
ساغلیق ایش بیلرمانلری نینگ بیر قطاری، تاش کومیر یخشی یانمسدن، اوی نی ایسیتیش اوچون استفاده قیلمس‌لیک‌لری اوستیده تأکید ایتیب و هرکون نیچه مرته اوی نینگ هواسی نی تازه قیلیش لرینی سوره‌ی دیلر.
جمهور رئیس محمد اشرف غنی بوندن ۳ ییل آلدین تاپی پروژه سینی آچیش مراسمده صحبت قیلیب، هرات ولایتی نینگ خلقی گه ۲ ییل جریانیده گاز بیریش دن سوز بیرگن ایدی، لیکن تاپی پروژه سی نینگ ایشی باشلنگنیدن ۳ ییل اوتیش بیلن هم جمهور رئیس نینگ بیرگن سوزلری عملگه آشیریلمه‌گن.
