فوتبال عالمیده اینگ هیجانلی ۲۰۲۶-ییلگی جهان کپی ۲۳ دوری، اسپانیا فوتبال ملی تیرمه جماعهسینینگ قهرمانلیگی بیلن یکونلندی.
اسپانیا، ۲۰۲۶-ییل جهان کپی فینال اویینیده ارجنتاین گه غلبه قازانیب و قهرمان بولدی. اسپانیا اوشبو اوییننینگ اضافه وقتلریده ۱-۰ حسابیده ارجنتاین گه غلبه قازاندی و جهان کپیده ایکینچی بار قهرمانلیگینی نشانلهدی.
اسپانیا فوتبال ملی تیرمه جماعهسیدن رودری، تورنمنتنینگ اینگ یخشی اویینچیسی ساورینداری بولدی. او ایندی فوتبال تاریخینینگ اینگ یخشی هافبکلریدن بیری حسابلنهدی. اسپانیا دروازهبانی ایسه اونای سیمون، اینگ آز گل ییگنی اوچون «آلتین» قول قاپ (دستکش)نی آلدی. او ییتی مسابقهده دروازهسینی یاپیق سقلب و تورنمنت بویلب فقط بیر گل ییدی.
فرانسهنینگ فوتبال بوییچه مشهور یولدوزی کیلیان امباپه ایسه، جهان کپینینگ اینگ یخشی گل اورگن فوتبالچیگه ایلندی و آلتین بوتنی قولگه کیریتدی.
فوتبال عالمیده اینگ هیجانلی ۲۰۲۶-ییلگی جهان کپی ۲۳ دوری، تورکی دولتلر نمایندهلیگیدن اوزبیکستان و تورکیه شامل ۴۸ مملکتنینگ فوتبال ملی تیرمه جماعهلری اشتراکی بیلن ۲۱ جوزا/۱۱ جون کونی بیرینچی مرته بولیب اوچ مملکت جملهدن کانادا، مکزیک و امریکا میزبانلیگیده ۴۸ مملکتنینگ فوتبال ملی تیرمه جماعهلری اشتراکی بیلن ۴ جماعهلیک ۱۲ گروهده اوتکزیلدی. اوزبیکستان ایلکبار و تورکیه ایسه ۲۴ ییل کوتیشدن سونگ بو ییلگی جهان کپی گه یول تاپگن ایدیلر.
