اوکرایننینگ بیر قطار بولیملریگه روسیه آرقهلی اویوشتیریلگن اینگ ینگی هجوملرده، کمیده ۱۷ کیشی اولیب و ۱۲۵ دن آرتیق کیشی یرهلنگن.
رویترز آژانسینینگ بوگون (۳-اسد/۲۵-جولای، شنبه)، گزارش بیریشیچه، روسیه بیرته بالستیک راکتهنی آتیش بیلن کییف ده اوکراین مدافعه صناعتیگه تیگیشلی بیر واقعه اوتکزیلیشی جاینی نشانگه آلگن. بو هجوم نتیجهسیده، کمیده ۱۰ کیشی اولیب و قریب ۱۰۰ کیشی یرهلنگن.
بو بیلن بیرگه، اوکراین جمهور باشلیغی ولودیمیر زلنسکی، بو واقعه اوتکزیلگنیدن تنقیدلب و ایتیشیچه، اوروش بولگن بیر وضعیتده عمومی ییغیلیشلر و کورگزمهلر اینیقسه یشش منطقهلر یقینیده اوتکزیلمسلیگی کیرهک.
اوکراین شرقیدهگی محلی رسمیلرنینگ اعلام قیلیشیچه، اسلوویانسک شهریگه روسیهنینگ اویوشتیرگن هوا هجومیده، بیش کیشی اولیب و باشقه ۲۵ کیشی یرهلنگن.
شونینگدیک اوکراین شمالیدهگی سومی شهریگه روسیهنینگ پهپادی هجومیده، ایکی کیشی اولگن. روسیه هجومی بو مملکت جنوبشرقیده جایلشگن زاپوریژژیا شهریده، آلیش-بیریش بیر مرکزیده یانغینگه سبب بولیب و بیر قطار کیشی یرهلنگن.
روسیه و اوکراین اوروشی ۲۰۲۲-ییل فبروری آییدن روسیهنینگ کینگ کولملی هجومی بیلن باشلهنیب و حاضرگچه دوام قیلماقده. آتیش کیسین برقرار بولیشی اوچون خلقارا سعیوحرکتلر بولگنی بیلن، حاضرگچه ایکی تامان آرهسیده هیچ قندهی کیلیشوو قولگه کیلمهگن.
