کمیده ایکی کون آلدین مرکزی بانک تامانیدن یره‌تیلگن ینگی شرایط باعث، مملکت نینگ پولی بازاری اخلال بولدی؛ صرافلر بو شرایط نی «ظالمانه» دیب و عملی قیله آلمه‌سلیکلری نی ایته‌دیلر. بوگون‌دن باشلب، مملکت نینگ اینگ بویوک پولی خذمت‌لر بازاری شهزاده سرای‌ده‌گی صرافلر فعالیت‌لری قیته باشلنگن.
بوتون صرافلر اتفاقی مسئوللری نینگ ایتیشلریچه، اسلامی امارت سرپرست حکومتی قیینچیلیکلری نینگ حلی اوچون، تخنیکی کمیته ایجاد ایتیلیش خصوصیده سوز بیرگن. کوریلیشیچه، مرکزی بانک نینگ ینگی شرایطی گه دایر صرافلر و سرپرست حکومت آره‌سیده تاپیلگن جنجل‌لر، اساسی روشده حل بولمه‌گن و صرافلر اتفاقی گه کوره، یالغیز تخنیکی کمیته ایجاد ایتیلیشی اوستیگه کیلیشیلگن که انه‌شو سبب، صرافلر فعالیت‌لری نی قیته‌دن باشله‌گنلر.
شهزاده سرای صرافلر اتفاقی نینگ رهبرلیک هیأت عضوی امین‌جان خوستی نینگ سلام‌وطندار گه ایتیشیچه، اوشبو کمیته موجود قیینچیلیکلر حلی اوچون تیزلیک بیلن ایشکه باشله‌یشی ممکن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «باغلیق اداره‌لر جمله‌دن تجارت و مالیه وزیرلیکلری بیلن مذاکره‌لردن کیین، مرکزی بانک، سوداگرلیک اتاق‌لری، مالیه وزیرلیگی و صرافلر اتفاقی حضوری بیلن تخنیکی بیر کمیته ایجاد ایتیلیشی اوستیگه کیلیشیلدی.»
شونده‌ی بیرحالده، اوتگن کونی شهزاده سرای نینگ ایشیگی، اسلامی امارت کوچلری تامانیدن زوردن آچیلگن ایدی. بو ایش صرافلر نینگ قرشی لیگی گه روپه‌ره بولگن و صرافلر حکومت‌دن شهزاده سرای ایشلری ده امنیتی بولیم‌لر نینگ دخیل قیلمسلیگی نی سوره‌گنلر.
شهزاده سرای صرافلر اتفاقی نینگ رهبرلیک هیأت عضوی امین‌جان خوستی نینگ سلام‌وطندار گه ایتیشیچه، حکومت قیینچیلیکلرنی زوردن ایمس بلکیم کیلیشیب حل قیلیشی کیره‌ک. بو توغریده افغانستان مرکزی بانک مسئوللری نینگ فکری نی آلیش ایسته‌دیک؛ بیراق نوفق بولمه‌دیک.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، اوتگن کونی افغانستان مرکزی بانکی صرافلر نینگ ایکی کون‌لیک اعتراض‌لریدن کیین، مملکت بویلب صرافلر نینگ عادی فعالیتیدن خبر بیریب و جوازی بولمه‌گن صرافی‌لر نینگ یاپیق قالیشی خصوصیده تأکید ایتگن.
افغانستان مرکزی بانک سوزلاوچیسی صابر مومند نینگ ایتیشیچه: «قطار کیشی‌لر و صرافلر اوز قیینچیلیکلری باعث صراف‌لرینی یاپگن‌لر، جوازی بولمه‌گنلر و ناقانونی صرافلر یاپیلگن.»
ایتیش کیره‌ک که، اسلامی امارت حاکم بولیشیدن کیین، مملکت بویلب مالی و بشری بحران‌لر اوج آلدی و ایش بیلرمان‌لر نینگ ایشانچ‌لری گه کوره، مرکزی بانک نینگ ینگی شرایطی، اوشبو بحران‌نی کوچه‌یتیره‌دی.
