مملکت غرب حوزهسی نینگ محلی مسئوللریگه کوره، جاری ییلده ۲۰۰ میلیون دالر ارزشیگه تولیدی توارلر اوشبو ولایتلردن خارج صادر قیلینگن.
مملکت غرب حوزهسی صادر ایتووچیلر اتفاقی رئیسی محمد عثمان انصار نینگ سلام وطندارگه ایتیشیچه، ایشلب چیقاریلگن توارلرنی صادرقیلیش جریانی اوتگن ییللرگه قرهگنده بو ییل ۴۰ فایز کوپهیگن.
هرات نینگ باجخانهلر باشلیغی مهاجر فراهی نینگ ایتیشیچه، اسلامی امارت یوزهگه کیلیشی بیلن هرات باجخانه لریدهگی فساد گه چیک قوییلگن و کونسهیین ۵۰دن آرتیق یوک تاشووچی موترلرگه مملکتدن تشقری تجارتی توارلر صادر ایتیلهدی.
بیزلرنینگ فیسبوک صحیفهمیزگه باش اورینگ!
عین حالده هرات صنعت وسوداگرلیک ادارهسی باشلیغی محمد زبیر دینپرور نینگ ایتیشیچه، اولر سوداگرلرنینگ قیینچیلیکلری حل ایتیلیشی و صادرات میزانی کوپهیشی اوچون ایجابی ایشلرنی بجریشکن و صادرات اوچون هرات نینگ هوا دهلیزی ایجاد ایتیلیشی مقصدیده سعی-حرکت قیلماقدهلر.
هرات محلی مسئوللری نینگ ایتیشلریچه، هرات باجخانه لریدهگی کینگ کولملی فساد موجودلیگی و هرات باجخانه لریده سابق حکومت نینگ ییریک آدم لریگه باغلیق مافیالر حضوری، مذکور ولایتده صادرات جریانی و اقتصادی فعالیتلر کوپینچه قیینچیلیکلرگه روپهرو بولیشیگه سبب بولگن ایدی.
بیزلرنینگ توییترده هم تعقیب قیلینگ!
اولرنینگ ایتیشلریچه، حاضرگی کونده غرب ولایت لری نینگ ایشلب چیقارگن توارلری صادراتی اونگیدهگی موجود معمالر حل بولگن.