هرات حاکمی عبدالصبور قانع بوگون ایرته‌لب اوشبو ولایتده خبری بیر یغیینده ایتیشیچه، طالبان هجوم‌لری نینگ آلدینی آلیش اوچون امنیتی و مدافعه کوچلری مردمی کوچلرنینگ اویغونلیگی بیلن چاره و تدبیر کورگن.
هرات حاکمی نینگ اورغولشیچه، حاضر امنیتی و مدافعه کوچلر مردمی کوچلر بیلن بو ولایت تومن‌لریده طالبان گه قرشی هجوم اویوشتیریش اوچون ریجه تیارلماقده.
او، هرات اهالیسی گه هرات شهری نینگ امنیتی تأمین بولگنیدن ایشانچ بیریب و اولردن قورقمه‌ی ایشلریگه دوام بیریش‌لرینی سوره‌گن. اونگه کوره، بو و لایت نینگ تومن‌لری هم تیزلیککه طالبان نظارتیدن چیقاریلیشی ممکن.
بیزلرنینگ فیسبوک صحیفه‌میزگه باش اورینگ!
عبدالصبور قانع نینگ کوپه‌یتیریشیچه، امنیتی کوچلر اسلام قلعه و تورغندی بندرلری شامل ۱۷ تومن‌دن آرتده چیکیلگن.
شوندی بیرحالده، جنوب‌غرب حوزه‌سی نینگ مردمی مقاومت حرکتی کینگش اعضاسی جمال‌الدین ناصر حبیبی نینگ ایتیشیچه، اوتگن ایکی کونده مردمی مقاومت حرکت حربی‌لری گذره تومنی نینگ «ساوشان و تریاک» قیشلاق‌لری و شونینگدیک انجیل تومنی نینگ «امام شش‌نور» قیشلاق‌لریده اوچ مرته طالبان قیزیل قطعه‌سی بیلن اوروشگن که اوچ مرته هم طالبان جنگریلی مغلوب بولگن.
جمال عبدالناصرنینگ کوپه‌یتیریشیچه، حاضر مردمی مقاومت حرکت کوچلری تومن‌لرنی قیته آلیش اوچون هرات محلی اداره‌سی نینگ اویغونلیگی بیلن ریجه آلماقده.
اونگه کوره، طالبان گه قرشی هجوم ریجه‌لری نیچه کون نینگ دربر آلیشی ممکن.
شونده‌ی بیر حالده طالبان نینگ ایتیشیچه، حاضر اسلام‌قلعه و تورغندی بندرلری شامل بو ولایت نینگ ۱۷ تومنی اوشبو گروه نظارتیگه دیر.
